វេលាម៉ោង១និង៥៩នាទីថ្ងៃទី១៧ខែធ្នូ ឧបករណ៍ត្រឡប់មកវិញនៃយានអវកាសវាស់ស្ទង់ChangE-5ដែលផ្ទុកសំណាកនៃភពព្រះចន្ទបានចុះចតដោយសុវត្ថិភាពនៅស្រុកSiziwangនៃភូមិភាគម៉ុងហ្គោលីខាងក្នុងដែលជាតំបន់កំណត់ទុកជាមុន ភារកិច្ចយានអវកាសវាស់ស្ទង់ChangE-5នៃវិស្វកម្មស្ទង់រុករកភពព្រះចន្ទទទួលបានជោគជ័យដោយគាប់ប្រសើរ។ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋនិងជាប្រធានគណៈកម្មាធិការយោធាមជ្ឈិមចិនបានផ្ញើសារដើម្បីជូនពរយ៉ាងកក់ក្តៅនិងសួរសុខទុក្ខយ៉ាងស្មោះចំពោះបញ្ជាការដ្ឋានវិស្វកម្មស្ទង់រុករកភពព្រះចន្ទនិងបុគ្គលិកទាំងអស់ដែលចូលរួមភារកិច្ចយានអវកាសវាស់ស្ទង់ChangE-5។
ថ្លែងក្នុងសារជូនពរ លោកស៊ីជីនភីងបានលើកឡើងថា ក្នុងនាមជាវិស្វកម្មអវកាសជាប្រព័ន្ធដែលមានកម្រិតស្មុគស្មាញខ្ពស់បំផុតនិងភាពពិបាកខាងបច្ចេកវិទ្យាខ្លាំងបំផុតនៃប្រទេសចិន ភារកិច្ចយានអវកាសវាស់ស្ទង់ChangE-5បានសម្រេចជាលើកដំបូងនូវការប្រមូលយកសំណាកនៅភពផ្កាយក្រៅពីភពផែនដីហើយត្រឡប់មកវិញ។នេះគឺជាសមិទ្ធផលដ៏សំខាន់មួយទៀតរបស់ប្រទេសចិនដោយសារបានពង្រីកឧត្តមភាពខាងប្រព័ន្ធនៅទូទាំងប្រទេសបែបថ្មី ដែលជាសញ្ញាកត់សម្គាល់ថា អវកាសចិនបានបោះជំហានធំទៅមុខ ព្រមទាំងនឹងរួមចំណែកក្នុងការធ្វើឱ្យស៊ីជម្រៅនូវការយល់ដឹងផ្នែកវិទ្យាសាស្រ្តរបស់មនុស្សជាតិចំពោះមូលហេតុកំណើតភពព្រះចន្ទនិងប្រវត្តិសាស្រ្តវិវឌ្ឍន៍នៃប្រព័ន្ធព្រះអាទិត្យផងដែរ៕
អ្នកបកប្រែ：Zheng Lei