ថ្ងៃទី ២២ ខែធ្នូ ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានប្រកាសសៀវភៅសអំពី«ការអភិវឌ្ឍជានិរន្តរភាពនៃគមនាគមន៍ប្រទេសចិន»។លោក Liu Xiaoming អនុប្រធានក្រសួងគមនាគមន៍និងដឹកជញ្ជូនប្រទេសចិនបានថ្លែងក្នុងសន្និសីទសារព័ត៌មានថា ប៉ុន្មានឆ្នាំចុងក្រោយនេះ ទ្រង់ទ្រាយនិងគុណភាពនៃបណ្តាញគមនាគមន៍ចម្រុះរបស់ប្រទេសចិនបានសម្រេចការលោតផ្លោះផ្តល់សេវាកម្មនិងការគាំទ្រយ៉ាងខ្លាំងដល់ការអភិវឌ្ឍសេដ្ឋកិច្ចសង្គមប្រកបដោយស្ថិរភាព រឹងមាំនិងឆាប់រហ័ស។
លោកLiuXiaomingបានលើកឡើងថា គិតរហូតដល់ចុងឆ្នាំ២០១៩ ការដឹកជញ្ជូនតាមផ្លូវដែកទូទាំងប្រទេសចិនមានចម្ងាយ១សែន៣ម៉ឺន៩ពាន់គីឡូម៉ែត្រ ក្នុងនោះ ផ្លូវដែកល្បឿនលឿនលើសពី៣ម៉ឺន៥ពាន់គីឡូម៉ែត្រ ស្ថិតក្នុងលំដាប់ទី១លើពិភពលោក។ការដឹកជញ្ជូនតាមផ្លូវថ្នល់គឺមានចម្ងាយ៥លាន១ម៉ឺន៣ពាន់គីឡូម៉ែត្រ ក្នុងនោះ ផ្លូវល្បឿនលឿនត្រូវជា១សែន៥ម៉ឺនគីឡូម៉ែត្រ ស្ថិតក្នុងលំដាប់ទី១លើពិភពលោក។កំពង់ផែចតនាវាមានចំនួន២ម៉ឺន៣ពាន់កន្លែង ការដឹកជញ្ជូនតាមផ្លូវទឹកមានចម្ងាយ១សែន២ម៉ឺន៧ពាន់គីឡូម៉ែត្រ ក៏ស្ថិតក្នុងលំដាប់ទី១លើពិភពលោកដែរ៕
អ្នកបកប្រែ：Liu Yan