ជើងរថភ្លើងចិន-អឺរ៉ុបដែលចេញចូលតាមច្រកទ្វារព្រំដែនផ្លូវគោកធំបំផុតរបស់ចិនបានកើនឡើងជាង ៣០ ភាគរយក្នុងឆ្នាំ ២០២០
អ្នកសារព័ត៌មានបានដំណឹងពីអគ្គក្រុមហ៊ុនផ្លូវដែកជាតិចិនកាលពីថ្ងៃទី ៦ ខែមករា ឱ្យដឹងថា នៅឆ្នាំ ២០២០ ជើងរថភ្លើងចិន-អឺរ៉ុបនិងកុងតឺន័រដែលបានចេញចូលតាមច្រកទ្វារព្រំដែនMan zhouli របស់ចិនមានដល់ទៅ ៣៥៤៨ ជើងនិង៣២៤៣១០ កុងតឺន័រដែលបានកើនឡើង ៣៥.១ ភាគរយនិង ៣៧.៦ ភាគរយដោយឡែកពីគ្នាបើប្រៀបធៀបនឹងរយៈពេលដូចគ្នានៃឆ្នាំ ២០១៩ ។
ស្ថិតក្នុងបរិបទនៃការរីករាលដាលនៃជំងឺឆ្លងនៅទូទាំងពិភពលោក ការដឹកជញ្ជូនតាមផ្លូវអាកាសនិងតាមផ្លូវទឹកតែងជួបបញ្ហាក្នុងកម្រិតទីទៃគ្នា ដូចជា ការហាមឃាត់ជើងហោះហើរ ការផ្អាកដឹកជញ្ជូននិងការកាត់បន្ថយបរិមាណដឹកជញ្ជូនជាដើមដែលបណ្តាលឱ្យចរាចរណ៍ទំនិញមានភាពមិនសូវរលូន។យ៉ាងណាមិញ ខ្សែរថភ្លើងចិន-អឺរ៉ុបបានដើរតួនាទីនៃឧត្តមភាពរបស់ខ្លួនដែលមានសុវត្ថិភាពនិងប្រសិទ្ធភាពខ្ពស់ដោយត្រួសត្រាយមុខរបរថ្មីៗនិងបង្កើនខ្សែផ្លូវថ្មីៗ ដែលបានដើរតួនាទីយ៉ាងសំខាន់ដើម្បីធានានូវភាពរលូននៃចរាចរណ៍ទំនិញនិងស្ថិរភាពនៃការផ្គត់ផ្គង់សម្ភារៈជាបន្តបន្ទាប់នៅក្នុងប្រទេសចិននិងអឺរ៉ុបព្រមទាំងបណ្តាប្រទេសតាមបណ្តោយផ្លូវរថភ្លើងផងដែរ៕
អ្នកបកប្រែ：Wei Wei