តាមទិន្នន័យដែលរដ្ឋបាលជាតិគ្រប់គ្រងរូបិយប័ណ្ណចិនបានប្រកាសកាលពីថ្ងៃទី៧ខែមករាឱ្យដឹងថា គិតមកទល់ចុងខែធ្នូឆ្នាំ២០២០ ទំហំរូបិយប័ណ្ណបម្រុងរបស់ចិនមានចំនួន៣លាន២សែន១ម៉ឺន៦ពាន់៥រយលានដុល្លារអាមេរិក កើនឡើង១,២ភាគរយ ។
លោកស្រី Wang Chunying អនុប្រធាននិងជាអ្នកនាំពាក្យនៃរដ្ឋបាលជាតិគ្រប់គ្រងរូបិយប័ណ្ណចិនបានថ្លែងថា មួយផ្នែក ស្ថានការណ៍ងើបឡើងវិញនៃសេដ្ឋកិច្ចប្រទេសចិនបានវិវឌ្ឍន៍ទៅរកភាពវិជ្ជមានជាបន្តបន្ទាប់ដែលបានតាំងមូលដ្ឋានដ៏រឹងមាំសម្រាប់ឱ្យទំហំរូបិយប័ណ្ណបម្រុងរក្សាស្ថិរភាព ។ មួយផ្នែកទៀត គោលនយោបាយស្តីពីការគ្រប់គ្រងម៉ាក្រូនិងគ្រប់គ្រងរូបិយប័ណ្ណជាដើមរបស់ចិនបានកែសម្រួលតាមស្ថានភាពជាក់ស្តែង គាំពារតុល្យភាពជាមូលដ្ឋាននៃភាពចល័តប្រាក់ទុនឆ្លងដែននិងទីផ្សាររូបិយប័ណ្ណបានដំណើរការដោយនឹងនរ ប្រការទាំងនេះបានផ្តល់ការធានាដល់ការរក្សាស្ថិរភាពនៃទំហំរូបិយប័ណ្ណបម្រុង ។