បទវិភាគ៖ប្រធានាធិបតីត្រូវហាមមិន “ឱ្យបញ្ចេញមតិ”“សេរីភាពនៃការបញ្ចេញមតិ”បែបអាមេរិកពិតជារឿងគួរឱ្យអស់សំណើចមែន
“លោកត្រាំនៅតែជាប្រធានាធិបតីអាមេរិក ប៉ុន្តែគណនីត្រូវបិទ” គ្មានអ្វីគួរឱ្យសង្ស័យឡើយ បើនិយាយចំពោះថ្នាក់ដឹកនាំអាមេរិកដែលត្រូវបណ្តាញទំនាក់ទំនងសង្គមអាមេរិកជាច្រើនបិទគណនីនិងហាមមិនឱ្យបញ្ចេញមតិដោយសារការញុះញង់ឱ្យកើតអំពើហិង្សា នេះគឺជារឿងគួរឱ្យខ្មាស់អៀន។ អ្វីដែលកាន់តែខ្មាស់អៀននោះ គឺនៅសហរដ្ឋអាមេរិកដែលតែងតែឃោសនាបំប៉ោងពី"សេរីភាពនៃការបញ្ចេញមតិ" ប្រធានាធិបតីបានបាត់បង់សិទ្ធិបញ្ចេញមតិដោយសេរីលើវេទិការនៃបណ្តាញទំនាក់ទំនងសង្គម មិនបាច់សង្ស័យឡើយ នេះគឺជារឿងគួរឱ្យអស់សំណើចចំពោះ"សេរីភាពនៃការបញ្ចេញមតិ"បែបអាមេរិក ។
តាមការផ្សាយដំណឹងនៃ«កាសែតWashington Post»បានឱ្យដឹងថា ចាប់តាំងពីបានឡើងកាន់មុខតំណែងរហូតដល់ខែឧសភាឆ្នាំ២០២០ ថ្នាក់ដឹកនាំអាមេរិកបានបង្ហោះ"ព័ត៌មានក្លែងក្លាយឬមានលក្ខណៈបំភាន់មតិ”សរុបជាង១ម៉ឺន៨ពាន់លើកលើបណ្តាញទំនាក់ទំនងសង្គម ក្នុងនោះមានសារចំនួនជាង៣៣០០គឺបានបង្ហោះលើវេទិកា"Twitter”។ ជាពិសេសបន្ទាប់ពីលទ្ធផលនៃការបោះឆ្នោតសកលត្រូវប្រកាសកាលពីឆ្នាំទៅមិញ លោកត្រាំបានអំពាវនាវអ្នកគាំទ្ររបស់ខ្លួនជាច្រើនលើកតាមបណ្តាញទំនាក់ទំនងសង្គម Twitterឱ្យចាត់ប្រតិបត្តិការដើម្បីប្រឆាំងលទ្ធផលនេះ អំពាវនាវពួកគេឱ្យដង្ហែក្បួននៅក្រុងវ៉ាស៊ីនតោន។ទាក់ទិននឹងរឿងនេះ បណ្តាញទំនាក់ទំនងសង្គមអាមេរិកគ្មានប្រតិកម្មទាល់តែសោះ រហូតដល់កើតមានហេតុការណ៍ដែលវិមានរដ្ឋសភាត្រូវរងការវាយប្រហារ បណ្តាញទំនាក់ទំនងសង្គមទាំងនេះបីដូចជាស្រាប់តែភ្ញាក់រលឹក ព្រមទាំងចាត់ប្រតិបត្តិការផង។
រយៈពេលមិនដល់ដប់ថ្ងៃខាងមុខ ថ្នាក់ដឹកនាំអាមេរិកនឹងលាចាកពីមុខតំណែង ប៉ុន្តែ ដោយចាត់ទុកហេតុការណ៍វាយប្រហារវិមានរដ្ឋសភាជាដើមចម ការជម្រះចោលផ្នែកនយោបាយចំពោះលោកត្រាំនិងអ្នកគាំទ្របានចាប់ផ្តើមធ្វើរួចជាស្រេច។ ពីអាជ្ញាធរប៉ូលិសអាមេរិកចាប់ខ្លួនយ៉ាងឆាប់រហ័សនូវបាតុករវាយប្រហារវិមានរដ្ឋសភាយ៉ាងហោចណាស់៨២នាក់ ដល់លោកស្រី Nancy Pelosiប្រធានសភាតំណាងរាស្រ្តអាមេរិកតម្រូវឱ្យផ្នែកយោធាធានាជាក់លាក់ថា ប្រធានាធិបតីមិនអាចប្រើប្រាស់អាវុធនុយគ្លេអ៊ែរ រហូតដល់រដ្ឋសភាអាមេរិកបានបំផុសរបៀបវារៈទម្លាក់ប្រធានាធិបតីលើកទី២ ថ្នាក់ដឹកនាំអាមេរិកកំពុងប្រឈមនឹងស្ថានភាពដែលគ្មាននរណាម្នាក់គាំទ្រ។
ក្នុងបរិបទនយោបាយបែបនេះ បណ្តាញទំនាក់ទំនងសង្គមសំខាន់ៗរបស់អាមេរិកបានហាមមិនឱ្យលោកត្រាំបញ្ចេញមតិ ប្រការនេះមិនត្រឹមតែបានបង្ហាញពីភាពត្រឹមត្រូវខាងនយោបាយប៉ុណ្ណោះទេ ថែមទាំងក៏មានការគិតពិចារណាពីការផ្តាច់ទំនាក់ទំនងជាមួយអំពើហិង្សាលើកនេះនិងគេចវេះពីទំនួលខុសត្រូវផងដែរ។ ដូច្នេះហើយបានជា បិទឬមិនបិទ និយាយសរុបទៅ គឺជាកលល្បិចខាងនយោបាយមួយលើកតែប៉ុណ្ណោះ។ រឿងនេះក៏ធ្វើឱ្យអ្នកផងទាំងពួងឃើញយ៉ាងច្បាស់ថែមមួយកម្រិតទៀតថា អ្វីដែលហៅថា“សេរីភាពនៃការបញ្ចេញមតិ”បែបអាមេរិកគ្រាន់តែយកចិត្តទុកដាក់ដល់គោលជំហរ គ្រាន់តែជាឧបករណ៍នយោបាយរបស់អ្នកកាន់អំណាចអាមេរិកក្នុងការដាក់សម្ពាធទៅលើអ្នកប្រឆាំងក្នុងស្រុកនិងវាយប្រហារគូប្រជែងនៅផ្ទៃអន្តរជាតិតែប៉ុណ្ណោះ៕
អ្នកបកប្រែ：Zhen Lei