លោកស៊ី ជីនភីង ផ្ញើសារអបអរសាទរខួបទី ៧១ នៃការបង្កើតទំនាក់ទំនងការទូតរវាងប្រទេសចិននិងវៀតណាមជូនចំពោះលោក Nguyen Phu Trong អគ្គលេខាធិការមជ្ឈិមបក្សកុម្មុយនិស្តវៀតណាមនិងជាប្រធានរដ្ឋវៀតណាម

2021-01-18 18:07:58 |ប្រភព:CRI

ថ្ងៃទី ១៨ ខែមករា ឆ្នាំ ២០២១  លោក​ស៊ី ជីនភីង​ អគ្គលេខាធិការនៃ​​គណៈកម្មាធិការ​មជ្ឈិម​បក្ស​កុម្មុយនិស្ត​​​ចិននិងជាប្រធានរដ្ឋចិន​ បាន​ផ្ញើ​សារ​​​អបអរសាទរ​ខួបទី​ ៧១ នៃ​ការ​បង្កើតទំនាក់ទំនង​ការ​ទូត​រវាង​ប្រទេស​ចិននិង​វៀតណាម​ជូនចំពោះ​​​​លោក​ Nguyen Phu Trong អគ្គលេខាធិការ​នៃ​គណៈកម្មាធិការមជ្ឈិម​បក្សកុម្មុយនិស្ត​វៀតណាម​និង​ជាប្រធានរដ្ឋ​វៀតណាម ។

ថ្លែង​ក្នុងលិខិត​នេះ លោក​ស៊ី ជីនភីង បានលើក​ឡើង​ថា ចាប់ពី​ឆ្នាំមុន​​មក​ ទំនាក់ទំនង​រវាង​ប្រទេស​ចិននិង​វៀតណាមបាន​​វិវឌ្ឍទៅរកភាពល្អ​​ប្រសើរឡើង​ ខ្ញុំ​បានជួបសន្ទនា​​តាម​ទូរស័ព្ទ​ជា​មួយ​លោក​ Nguyen Phu Trong ចំនួនពីរលើក បាន​ឈាន​ដល់​គំនិត​ឯកភាពរួម​ដ៏​សំខាន់​លើ​ការ​ពង្រឹង​និង​ធ្វើ​ឱ្យ​ស៊ីជម្រៅ​នូវ​ទំនាក់ទំនង​រវាង​បក្ស​និង​ប្រទេស​ទាំង​ពីរ ក៏​ដូចជា​​ការ​សម្របសម្រួល​និង​ជំរុញ​កិច្ចសហប្រតិបត្តិការ​ជាយុទ្ធសាស្រ្ត​គ្រប់​ជ្រុង​ជ្រោយ​រវាង​ប្រទេស​ទាំង​ពីរ​ក្រោម​ស្ថានការណ៍​ថ្មីផង​ដែរ​ ។ ក្នុង​ខណៈពេល​ប្រឈម​មុខនឹង​​ការរីករាលដាល​នៃ​ជំងឺ​កូវីដ ១៩ ភាគី​ទាំង​ពីរ​បាន​ពួតដៃ​គ្នា​និង​ទទួល​បាន​សមិទ្ធផល​សំខាន់​ក្នុង​ការ​បង្ការ​និង​គ្រប់​គ្រង​ជំងឺ​ឆ្លង ក៏​ដូច​ជា​បាន​រៀបចំ​​សកម្មភាព​រំលឹក​ខួបទី​ ៧០ នៃ​ការ​បង្កើត​ទំនាក់ទំនងការទូតរវាង​ប្រទេស​ទាំង​ពីរ​ឱ្យ​ប្រព្រឹត្ត​ទៅ​ប្រកប​ដោយ​​សណ្តាប់​ធ្នាប់និង​របៀបរៀបរយល្អ​ ។

លោក​ស៊ី ជីនភីង បាន​គូសបញ្ជាក់ទៀត​ថា ការ​ពង្រឹង​មិត្តភាព​ជា​ប្រទេស​ជិតខាង​ប្រកប​ដោយ​សុខដុមរមនា​ និង​ធ្វើ​ឱ្យ​ស៊ីជម្រៅ​នូវ​កិច្ចសហប្រតិបត្តិការ​ដែល​ផ្តល់​ផល​ប្រយោជន៍​ដល់​គ្នា​ គឺ​សមស្រប​នឹង​ផល​ប្រយោជន៍​រួមជាយុទ្ធសាស្រ្ត​របស់​ប្រទេស​ទាំង​ពីរ ។ ​លោក​បាន​បង្ហាញ​ពី​ការ​យក​ចិត្ត​ទុកដាក់​ខ្ពស់​ដល់​ការអភិវឌ្ឍ​ទំនាក់ទំនង​រវាង​ប្រទេស​ចិននិង​វៀតណាម រីករាយ​រួមជា​មួយ​លោក​ Nguyen Phu Trong ដើម្បី​​​ជំរុញ​ទំនាក់ទំនង​រវាង​បក្ស​និង​ប្រទេសទាំង​ពីរ​ឱ្យ​ទទួល​ការ​វិវឌ្ឍ​រីកចម្រើន​ថ្មី​ជា​បន្ត​បន្ទាប់​ ។ លោក​ស៊ី ជីនភីង​ក៏​បាន​ជូនពរ​ឱ្យ​សមាជ​បក្ស​កុម្មុយនិស្ត​វៀតណាម​លើក​ទី ១៣ ​​ទទួល​ជោគជ័យយ៉ាង​​គាប់ប្រសើរផងដែរ​៕​

អ្នកបកប្រែ:Zhai Qianqian