បទវិភាគ៖អាមេរិកដាក់ទណ្ឌកម្មទៅលើផលិតផលស៊ីនជាំងបំផ្លាញផលប្រយោជន៍ទាំងអ្នកដទៃនិងខ្លួនឯងផងដែរ

2021-01-18 18:20:55 |ប្រភព:CRI

រដ្ឋាភិបាល​អាមេរិក​ដែល​ជិត​នឹង​ផុត​អាណត្តិ បាន​ដាក់​ទណ្ឌកម្ម​​ទៅ​លើ​ផលិតផល​ស៊ីនជាំង​ម្តងទៀត ។ នៅ​ថ្ងៃទី​១៣ ខែ​មករា រដ្ឋ​បាល​គយនិង​ការពារ​ព្រំដែន​របស់​អាមេរិក​បាន​ចេញ​សេចកី្ត​ប្រកាសឱ្យ​ដឹង​​ថា នៅ​ចក្រទ្វារ​ព្រំដែន​​របស់​អាមេរិក​ទាំង​អស់ នឹង​ឃាត់ទុកផលិតផល​​ធ្វើ​ពីសំឡីកប្បាស​និង​ប៉េងប៉ោះរបស់​ស៊ីនជាំង​ ទោះ​បី​ជា​ផលិត​ផលដែល​​កែ​ច្នៃ​នៅ​តតិយ​ប្រទេសក៏​ដោយ​ ​ក៏​ត្រូវ​ឃាត់​ទុក​មិន​ឱ្យ​ចូល​ដែន​ទេ ។

អ្នក​ផង​ទាំង​ពួង​ចង់​សួរ​ថា តើរដ្ឋាភិបាល​អាមេរិក​​ស្អប់ខ្ពើមផលិតផល​ស៊ីនជាំង​ដល់​កម្រិត​យ៉ាង​ណា? ការ​ពិត​ជាក់​ស្តែង​បាន​បញ្ជាក់​រួច​ជា​ស្រេចហើយ​ថា អ្វី​ដែល​ហៅថា “​ការ​បង្ខំ​ធ្វើ​ពលកម្ម​” គ្រាន់​តែ​ជា​​ពាក្យ​ភូត​កុហក​ដែលប្រឌិត​​ដោយ​អ្នក​នយោបាយ​អាមេរិក​មួយ​ចំនួន​និង​ធនាគារ​គំនិត​ប្រឆាំង​ប្រទេ​សចិន​ដែល​ទទួល​ប្រាក់​ឧបម្ថម្ភ​ពី​អ្នក​នយោបាយ​អាមេរិក​  ដោយ​យក​ពាក្យ​ភូត​កុហក​នេះធ្វើ​ជា​លេស អាមេរិក​បាន​ដាក់​ទណ្ឌកម្ម​ទៅ​លើ​ផលិត​ផល​ស៊ីនជាំង ទង្វើ​នេះ​ធ្វើ​ឱ្យ​ពិភពលោក​ទាំង​មូល​បាន​មើល​ឃើញ​យ៉ាង​ច្បាស់​នូវ​អនុត្តរភាព ភាព​​លាក់​ពុត​ និង​​ចេតនា​អាក្រក់របស់​ “អ្នក​ការរពារ​សិទ្ធិ​មនុស្ស​” ។

ក្នុង​នាម​ជា​ឧស្សាហកម្ម​សំខាន់​របស់​តំបន់​ស៊ីនជាំង ឧស្សាហកម្ម​សំឡីកប្បាស​និង​ប៉េងប៉ោះបាន​ផ្តល់​ឱកាស​ការងារ​យ៉ាង​ច្រើន​សម្បើម​ដល់​តំបន់​ស៊ីនជាំង ។ អ្នក​នយោបាយ​អាមេរិក​មួយ​ចំនួន​និយាយ​តែ​មាត់ពី​ “សិទ្ធិមនុស្ស​”ជា​រៀង​រាល់​ថ្ងៃ ប៉ុន្តែ​បែរ​ជា​ប៉ុនប៉ង​បំផ្លាញ​ការ​រក​ស៊ី​របស់​ប្រជាជន​នៅ​តំបន់​ស៊ីនជាំង តើពួក​គេ​ចង់​បង្ក​ “​ការ​បង្ខំ​បាត់​បង់​ការ​ងារ”​នៅ​តំបន់​ស៊ីនជាំង​ទេ ?

ដោយឡែក​ នៅ​ក្នុង​ការ​ធ្វើ​​សកលភាវូបនីយកម្ម​កម្រិត​ខ្ពស់នា​ពេល​បច្ចុប្បន្ន​  អ្នក​នយោបាយ​អាមេរិក​យក​បញ្ហា​ស៊ីនជាំងធ្វើ​​ជា​លេស ក្នុង​ន័យ​ទប់​ស្កាត់​ប្រទេស​ចិន​ ហើយ​​អនុវត្ត​បទ​បញ្ជា​ហាម​ឃាត់​ទៅលើ​ផលិត​ផល​នៃ​តំបន់​ស៊ីនជាំងដោយ​ប្រើ​ប្រាស់​មធ្យោបាយ​រដ្ឋបាល​ ប្រការនេះ​មិន​អាច​ចៀសវាងបាន​ឡើយ​ពី ការ​ធ្វើ​ឱ្យ​​​​ប៉ះពាល់​ដល់​ផល​ប្រយោជន៍​របស់​សហគ្រាស​អាមេរិក​​ ។

តាម​ការ​ប៉ាន់​ប្រមាណ​របស់​សមាគម​សិទ្ធិ​កម្មករ​របស់​អាមេរិក​ឱ្យ​ដឹង​ថា ជា​រៀង​រាល់​ឆ្នាំ ក្រុម​ហ៊ុន​និង​ពាណិជ្ជករលក់រាយ​​អាមេរិកបាន​​នាំ​ចូលសម្លៀក​បំពាក់​ដែល​បាន​ប្រើ​ប្រាស់​​​សំឡីកប្បាសស៊ីនជាំង​ លើ​ស​ពី​១ពាន់​៥រយ​លាន​ ត្រូវ​ជា​ទឹក​ប្រាក់​លើ​សពី​២ម៉ឺន​លាន​ដុល្លារ​អាមេរិក​ ។ ក៏ដូច​ទីភ្នាក់​ងារ​សារព័ត៌មាន​Bloomberg បាន​វិភាគ​ដូច្នោះ​​ថា នយោបាយ​ចំពោះមុខ​របរ​សម្លៀក​បំពាក់​របស់​អាមេរិក ទង្វើ​របស់​រដ្ឋបាល​គយ​អាមេរិកបែប​នេះ គឺ​ជា​ការ​វាយ​ប្រហារ​មួយ​លើក​ មិន​បាច់​សង្ស័យ​ឡើយ ក៏​នឹង​ជះ​ឥទ្ធិពល​អវិជ្ជមាន​ចំពោះ​​មុខរបរ​ពាក់ព័ន្ធ បណ្តាល​ឱ្យ​ទីផ្សារ​អន្តរជាតិ​មាន​ភាព​រង្គោះរង្គើ ទី​បំផុត​នឹង​បំផ្លាញ​ដល់​ផល​ប្រយោជន៍​របស់​អ្នក​ប្រើ​ប្រាស់​លើ​ផ្ទៃ​អន្តរជាតិ​ ក្នុ​ងនោះក៏​បូក​រួម​ទាំង​អ្នក​ប្រើ​ប្រាស់​របស់​អាមេរិក​ផងដែរ ។

ប្រឈម​នឹង​ការ​វាយ​ប្រហារ​យ៉ាង​ធ្ងន់​ធ្ងរ​ពី​ការ​រីក​រាល​ដាល​នៃ​ជំងឺ​កូវីដ១៩ អ្នក​នយោបាយ​អាមេរិក​មួយ​ចំនួន​មិន​ផ្តោត​សំខាន់​និង​មិន​បំពេញ​ភារកិច្ចរបស់​ខ្លួន​ ប៉ុន្តែ​នៅតែ​ប្រព្រឹតិ្ត​ទង្វើ​ “​ឆ្កួត​ឡប់ៗចុងក្រោយ​​បំផុត​”​ដោយ​យក​បញ្ហា​ស៊ីនជាំងធ្វើ​​ជា​លេស និង​បង្ក​ការ​បដិបក្ខ​គ្នា​និង​ការ​ប៉ះទង្គិច​គ្នា​ដោយ​មិន​សំចៃ​ដៃ បណ្តាល​ឱ្យ​បំភ្លិច​បំផ្លាញ​ដល់​ផល​ប្រយោជន៍​រួម​ជា​សកល​ ។ ធាតុ​ពុល​ខាង​នយោបាយ​របស់​ពួក​គេ បំផ្លាញ​​ផល​ប្រយោជន៍​ទាំង​អ្នក​ដទៃផង​​និង​ខ្លួន​ឯង​ផង​ដែរ ហើយ​ពិត​ជា​នឹង​ត្រូវ​ប្រវតិ្តសាស្ត្រ​បោះ​បង់​ចោល​​ជា​មិន​ខាន​ ៕


អ្នកបកប្រែ៖ Guo Xiangqing