អ្នកសារព័ត៌មានទទួលបានដំណឹងពីក្រសួងធនធានមនុស្សនិងធានារ៉ាប់រងសង្គមចិនកាលពីថ្ងៃទី ១៩ ខែមករាថា ប្រទេសចិននឹងជំរុញឱ្យប្រព័ន្ធធានារ៉ាប់រងសង្គមឱ្យកាន់តែមានសុក្រឹតភាពនៅឆ្នាំ២០២១ ។
ឆ្នាំ២០២១ ស្ថាប័នធានារ៉ាប់រងសង្គមនឹងផ្តោតសំខាន់ទៅលើការរក្សាស្ថិរភាពនិងបង្កើនឱកាសការងារជូនប្រជាពលរដ្ឋ រក្សាស្ថិរភាពនៃតួអង្គទីផ្សារនិងឱកាសការងារ ធានាឱ្យនិសិត្សបញ្ចប់ការសិក្សាពីគ្រឹះស្ថានឧត្តមសិក្សា ពលករចំណាកស្រុកទៅធ្វើការនៅទីក្រុង និងអ្នកជួបបញ្ហាលំបាកក្នុងការប្រកបរបរចិញ្ចឹមជីវិតមានការងារធ្វើ ក្នុងន័យរក្សាស្ថិរភាពជាទូទៅនៃការប្រកបរបរចិញ្ចឹមជីវិត ។
ក្រៅពីនេះ រដ្ឋាភិបាលចិននឹងធ្វើឱ្យមានសុក្រឹតភាពថែមទៀតនូវយន្តការជួយតំបន់មិនរីកចម្រើន ពង្រឹងសមិទ្ធផលក្នុងការកាត់បន្ថយភាពក្រីក្រនៃប្រព័ន្ធធានារ៉ាប់រងសង្គម ដែលផ្តោតសំខាន់ទៅលើការជួយដោះស្រាយបញ្ហាលំបាកនៃប្រជាពលរដ្ឋ ។
តាមទន្និន័យបានបង្ហាញថា ឆ្នាំ២០២០ នៅទីក្រុងទាំងអស់របស់ប្រទេសចិនបានបង្កើនឱកាសការងារចំនួន ១១៨៦ ម៉ឺននាក់ ខ្ពស់ជាងគោលដៅរំពឹងទុកបានគ្រោងថាលើស ៩០០ ម៉ឺននាក់ ។
អ្នកបកប្រែ：Li Qinngli