លោកស៊ី ជីនភីង៖ ការងាររៀបចំការប្រកួតកីឡាអូឡាំពិករដូវរងានិងការប្រកួតកីឡាអូឡាំពិកជនពិការដូវរងាក្រុងប៉េកាំងដែលបានប្រព្រឹត្តទៅដោយរលូនបានបង្ហាញយ៉ាងពេញលេញនូវឧត្តមភាពនៃប្រព័ន្ធគ្រប់គ្រងរបស់ប្រទេសចិន
កាលពីថ្ងៃទី ១៩ ខែមករា លោកស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើដំណើរតាមរទេះភ្លើងល្បឿនលឿនទៅកាន់ទីតាំងប្រកួតកីឡាក្រុងZhangjiakou ដើម្បីចុះត្រួតពិនិត្យការងាររៀបចំការប្រកួតកីឡាអូឡាំពិករដូវរងានិងការប្រកួតកីឡាអូឡាំពិកជនពិការដូវរងាក្រុងប៉េកាំង ។ ពេលទៅដល់ចំណតTaizicheng លោកបានដើរចូលសាលផ្តល់សេវាកម្មជូនកីឡាករកីឡាការិនីក្នុងស្ថានីយរទេះភ្លើង ហើយស្តាប់របាយការណ៍និងពិនិត្យមើលផែនទីបណ្តាញផ្លូវដែកក្នុងតំបន់ប៉េកាំង ធានជីន និងហឺពៃ និងប្លង់ទីតាំងនៃផ្លូវរទេះភ្លើងល្បឿនលឿនពីទីក្រុងប៉េកាំងដល់ទីក្រុងZhangjiakou និងទីតាំងប្រកួតកីឡាដទៃទៀត ។ លោកស៊ី ជីនភីងបានលើកឡើងថា រទេះភ្លើងល្បឿនលឿនគឺជាគំរូជោគជ័យមួយនៃការច្នៃប្រឌិតថ្មីដោយម្ចាស់ការរបស់ប្រទេសចិន ពីគ្មានទៅមាន ពីការនាំចូល រៀនសូត្រដល់ការធ្វើការច្នៃប្រឌិតថ្មី រហូតដល់ការធ្វើការច្នៃប្រឌិតថ្មីដោយម្ចាស់ការ ហើយបច្ចុប្បន្ននេះ បាននាំមុខគេលើពិភពលោក ។ យើងត្រូវបូកសរុបបទពិសោធន៍ បន្តធ្វើកិច្ចខិតខំប្រឹងប្រែង ដើម្បីទទួលការអភិវឌ្ឍបានកាន់តែច្រើនថែមទៀតក្នុងអំឡុងពេលអនុវត្ត “ផែនការ ៥ ឆ្នាំទី ១៤ ” ។
លោកស៊ី ជីនភីងបានបញ្ជាក់ទៀតថា ការងាររៀបចំការប្រកួតកីឡាអូឡាំពិករដូវរងានិងការប្រកួតកីឡាអូឡាំពិកជនពិការដូវរងាក្រុងប៉េកាំងដែលបានប្រព្រឹត្តទៅដោយរលូនបានបង្ហាញយ៉ាងពេញលេញនូវឧត្តមភាពនៃប្រព័ន្ធគ្រប់គ្រងរបស់ប្រទេសចិន។
អ្នកបកប្រែ：Zhai Qianqian