លោក ស៊ី ជីនភីង អញ្ជើញចូលរួមនិងថ្លែងសុន្ទរកថាក្នុងកិច្ចប្រជុំសន្ទនាស្តីពី “របៀវារៈដាវ៉ូស” នៃវេទិកាសេដ្ឋកិច្ចពិភពលោកនៅទីក្រុងប៉េកាំងតាមប្រព័ន្ធវីដេអូ
យប់ថ្ងៃទី២៥ ខែមករា នៅទីក្រុងប៉េកាំង លោក ស៊ី ជីនភីង ប្រធានរដ្ឋចិនបានអញ្ជើញចូលរួមកិច្ចប្រជុំសន្ទនាស្តីពី“របៀវារៈដាវ៉ូស” នៃវេទិកាសេដ្ឋកិច្ចពិភពលោកតាមប្រព័ន្ធវីដេអូ និងថ្លែងសុន្ទរកថាពិសេសក្រោមចំណងជើងថា « សូមឱ្យពន្លឺគប់ភ្លើងនៃពហុភាគីនិយមបំភ្លឺមាគ៌ាឈានទៅមុខនៃមនុស្សជាតិ»។
លោក ស៊ី ជីនភីង បានសង្កត់ធ្ងន់ថា ច្រកចេញនៃដំណោះស្រាយបញ្ហាដែលប្រឈមក្នុងយុគសម័យឱ្យបានល្អ គឺការគាំពារនិងអនុវត្តពហុភាគីនិយម ជំរុញការបង្កើតសហគមន៍រួមវាសនានៃមនុស្សជាតិ។ ពហុភាគីនិយមក្នុងសតវត្សរ៍ទី២១ ត្រូវគោរពយុត្តិធម៌ ធ្វើការច្នៃប្រឌិតថ្មី ឆ្ពោះទៅរកអនាគត ព្រមទាំងត្រូវប្រកាន់ខ្ជាប់តម្លៃស្នូលនិងគោលការណ៍មូលដ្ឋាននៃពហុភាគីនិយមផង ត្រូវផ្តោតសំខាន់លើតម្រូវការជាសកលដោយឈរលើភាពប្រែប្រួលនៃនិម្មាបនកម្មពិភពលោកផង។ ត្រូវប្រកាន់ខ្ជាប់ការបើកទូលាយ បរិយាប័ន្ន ចាត់ទុកច្បាប់អន្តរជាតិជាមូលដ្ឋាន ប្រកាន់ខ្ជាប់ការពិគ្រោះពិភាក្សានិងកិច្ចសហប្រតិបត្តិការ ធ្វើការអភិវឌ្ឍតាមចរន្តយុគសម័យ។
លោក ស៊ី ជីនភីង បានបន្ថែមទៀតថា ប្រទេសចិននឹងបន្តចូលរួមយ៉ាងសកម្មនូវកិច្ចសហប្រតិបត្តិការអន្តរជាតិស្តីពីការប្រយុទ្ធប្រឆាំងនឹងជំងឺឆ្លង ធ្វើឱ្យវ៉ាក់សាំងក្លាយជាផលិតផលសាធារណៈដ៏ពិតប្រាកដ ដែលប្រជាជននៃបណ្តាប្រទេសមានលទ្ធភាពអាចចាក់បាន, ចិននឹងបន្តអនុវត្តយុទ្ធសាស្របើកទូលាយបែបឈ្នះ-ឈ្នះនិងផ្តល់ផលប្រយោជន៍ដល់គ្នា ជំរុញការអភិវឌ្ឍជានិរន្តរភាព ជំរុញការច្នៃប្រឌិតថ្មីផ្នែកបច្ចេកវិទ្យា ជំរុញការបង្កើតទំនាក់ទំនងអន្តរជាតិបែបថ្មី បោះជំហានទៅមុខដោយឥតឈប់ឈរដើម្បីឆ្ពោះទៅរកការបង្កើតសហគមន៍រួមវាសនានៃមនុស្សជាតិ៕
អ្នកបកប្រែ：Deng Qian