នៅថ្ងៃទី១០ ដល់ថ្ងៃទី ២៦ ខែកុម្ភៈ ឆ្នាំ ២០២១ រាត្រីសមោសរអបអរបុណ្យចូលឆ្នាំថ្មីប្រពៃណីចិនឆ្លងដែន និងសកម្មភាពផ្លាស់ប្តូរវប្បធម៌ ៥ ប្រទេសក្នុងតំបន់ឡានឆាង-មេគង្គ ដែលធ្វើឡើងក្រោមប្រធានបទ“ទឹកទន្លេតែមួយ XIANG យូណានដ៏ចម្រុះពណ៌” រៀបចំដោយការិយល័យព័ត៌មាននៃសាលាខេត្តយូណានឹងត្រូវប្រារព្ធធ្វើឡើង ។ សកម្មភាពនេះមានរយៈពេល ១៧ ថ្ងៃ ដែលប្រមូលវប្បធម៌ប្រពៃណីនៃប្រទេសទាំង ៥ ក្នុងតំបន់ឡានឆាង-មេគង្គ ដើម្បីបង្ហាញពីវប្បធម៌ប្រពៃណីអោយលោកអ្នកទស្សនា ។
ក្រោមឥទ្ធិពលនៃជំងឺកូវីដ-១៩ សកម្មភាពនេះនឹងរៀបចំតាមអនឡាន ដែលមានកម្មវិធីអំពី” វប្បធម៌នៃរាត្រីសមោសរអបអរបុណ្យចូលឆ្នាំថ្មីប្រពៃណីចិនឆ្លងដែន” ”វីដេអូខ្លី” និង”ទំនាក់ទំនងឆ្លងដែនតាមអនឡាន”ជាដើម ។
“វប្បធម៌នៃរាត្រីសមោសរអបអរបុណ្យចូលឆ្នាំថ្មីប្រពៃណីចិនឆ្លងដែន”
កម្មវិធី“វប្បធម៌នៃរាត្រីសមោសរអបអរបុណ្យចូលឆ្នាំថ្មីប្រពៃណីចិនឆ្លងដែន”មានរយៈពេល ៦០ នាទី បង្ហាញដោយវីដេអូ“រាត្រីសមោសរអបអរបុណ្យចូលឆ្នាំថ្មីប្រពៃណីចិនឆ្លងដែន” ។ រាត្រីសមោសរនេះយកតំបន់ឡានឆាង-មេគង្គជាគោល ជ្រើសរើសទីក្រុងសាំងហ្គឺលីឡា មណ្ឌលទីឈាង ភូមិជនជាតិត៉ាវសីមូឡា និងភូមិម៉ាយូន មណ្ឌលស៊ីសាំងប៉ាណា និងតំបន់ថ្មីកោជាំងស៊ីសំាងជីជាទីតាំងបង្ហាញ ដែលប្រើប្រាស់ភាសាចិន និងភាសាអង់គ្លេស ដើម្បីចែករំលែកម្ហូបអាហារ និងទំនៀមទម្លាប់ប្រពៃណីខេត្តយូណានក្នុងបុណ្យចូលឆ្នាំថ្មីប្រពៃណីចិន ។
”វីដេអូខ្លី”
”វីដេអូខ្លី” គេនឹងធ្វើវីដេអូខ្លីចំនួន ១០០ ដើម្បីបង្ហាញពីវប្បធម៌ ចម្រៀង និងរបាំ ម្ហូបអាហារពិសេស និងទេសភាពជាដើមរបស់ប្រទេសចិន និងប្រទេសក្នុងតំបន់ឡានឆាង-មេគង្គ ពេលនោះ វីដេអូខ្លីនោះនឹងបង្ហាញលើប្រព័ន្ធផ្សព្វផ្សាយក្នុង និងក្រៅប្រទេសចិន ។
”ទំនាក់ទំនងឆ្លងដែនតាមអនឡាន”
”ទំនាក់ទំនងឆ្លងដែនតាមអនឡាន” នឹងប្រើប្រាស់VR អ្នកទស្សនាអាចស្គេនលេខកូដទស្សនាទេសភាពយូណាន 360° និងចូលរួមសកម្មភាពចាប់រង្វាន់ ។
តាមការណែនាំរបស់លោក តាង ជី អ្នកដឹកនាំកម្មវិធីបានអោយដឹងថា “XIANG”យូណានដ៏ចម្រុះពណ៌បែងចែកជា ”ការចែករំលែក-ចែករំលែកទឹកទន្លេតែមួយ” ”ការបរិភោគ-ការបរិភោគម្ហូបអាហាររបស់ស្រុកកំណើត” ”ចំណាប់អារម្មណ៍-ចំណាប់អារម្មណ៍អំពីការរស់នៅថ្មី” ”ការស្រមៃ-ស្រមៃសម័យថ្មី” ”ហាក់ដូច-យើងទាំងអស់គ្នាហាក់ដូចជាគ្រួសារតែមួយ” ។
បកប្រែដោយ លូវ រ៉ុង