ភាសាចិនបានក្លាយជាភាសាផ្លូវការនៃអង្គការទេសចរណ៍ពិភពលោករបស់អង្គការសហប្រជាជាតិ

2021-02-22 16:21:45 |ប្រភព:CRI

នា​ពេល​ថ្មីៗ​កន្លង​ទៅនេះ អង្គការ​ទេសចរណ៍​ពិភពលោក​របស់​អង្គការ​សហប្រជាជាតិនិង​រដ្ឋាភិបាល​នៃ​ប្រទេស​អេស្ប៉ាញ​បាន​ប្រកាស​ជា​ផ្លូវ​ការ​ថា ចាប់​ពី​ថ្ងៃទី​២៥ ខែ​មករា ឆ្នាំ​២០២១តទៅ​ ភាសាចិន​បាន​ក្លាយ​ជា​ភាសា​ផ្លូវ​ការ​នៃ​អង្គការUNWTO ។

សូម​បញ្ជាក់​ថា ​អង្គការUNWTOជា​អង្គការ​ទេសចរណ៍​អន្តរជាតិ​អន្តរដ្ឋាភិបាលដែល​មាន​កម្លាំង​ឥទ្ធិពល​ជាង​គេលើ​ពិភពលោក​ បច្ចុប្បន្ន​នេះ មាន​រដ្ឋ​សមាជិក​ចំនួន ១៥៩ ទី​ស្នាក់​ការទទៅ​ស្ថិតិ​នៅ​ក្រុង ម៉ាឌ្រីដ នៃប្រទេស​អេស្ប៉ាញ ។ ប្រទេស​ចិន​បាន​ចូលរួម​អង្គការ​នេះ​នៅ​ឆ្នាំ​១៩៨៣ ។

ការ​ដែល​​ភាសាចិន​​ក្លាយ​ជា​ភាសា​ផ្លូវ​ការ​នៃ​អង្គការUNWTO  បាន​លើក​កម្ពស់​ភាព​ពេញ​លេញ​និង​ឥទ្ធានុភាពរបស់​អង្គការ​ UNWTO ដែល​ជា​អង្គការ​ជំនាញ​នៃ​អង្គការ​សហប្រជាជាតិ​ ហើយ​ក៏​បាន​លើក​កម្ពស់​ឋានៈនិង​អត្រា​ប្រើប្រាស់​របស់​ភាសាចិន​ក្នុង​អង្គការ​អន្តរជាតិ​ផង​ដែរ​ ដែល​មាន​អំណោយ​ផល​ដល់​ប្រទេសចិន​ក្នុង​ការ​ដើរតួនាទី​កាន់​តែ​សកម្ម​ក្នុង​កិច្ច​ការ​ទេសចរណ៍​អន្តរជាតិ​នៅ​លើ​ពិភពលោក ក្នុង​ន័យ​ចែក​រំលែក​ឱ្យ​បាន​ល្អ​នូវ​បទ​ពិសេធន៍​និង​កាលានុវត្តភាព​នៃ​ការ​អភិវឌ្ឍ​មុខ​របរ​ទេសចរណ៍​របស់​ប្រទេស​ចិន​ ព្រម​ទាំង​រួម​ចំណែក​យ៉ាង​សកម្ម​ដើម្បី​សម្រេច​បាន​នូវ​គោល​ដៅ​​ស្តីពី​ការ​លើក​កម្ពស់​អំណាច​ទន់​ខាង​វប្បធម៌​របស់​ប្រទេស​ជាតិ​ និង​ជំរុញ​ប្រទេស​សង្គម​និយម​ខ្លាំង​ក្លា​ខាង​ផ្នែក​វប្បធម៌ ក៏​ដូច​ជា​ជំរុញ​ការ​បង្កើត​សហគមន៍​រួម​វាសនា​តែ​មួយ​របស់​មនុស្សជាតិ​ផង​ដែរ ៕