ថ្ងៃទី ២៤ ខែកុម្ភៈ លោកឆឹនសៀ តំណាងចិនប្រចាំជាអចិន្ត្រៃយ៍នៅក្រុងហ្សឺណែវបានថ្លែងសុន្ទរកថាក្នុងកិច្ចពិភាក្សាដេញដោលនៃកិច្ចប្រជុំជានខ្ពស់លើកទី ៤៦ នៃក្រុមប្រឹក្សាសិទ្ធិមនុស្សអង្គការសហប្រជាជាតិ ដោយដាស់តឿនប្រទេសលោកខាងលិចមួយចំនួនឱ្យបញ្ឈប់ការយកបញ្ហាសិទ្ធិមនុស្សធ្វើជាលេសដើម្បីជ្រៀតជ្រែកកិច្ចការផ្ទៃក្នុងរបស់ប្រទេសដទៃ ហើយខិតខំប្រឹងប្រែងដោយភាពស្មោះត្រង់ដើម្បីដោះស្រាយបញ្ហាសិទ្ធិមនុស្សរបស់ខ្លួនវិញ។
លោកឆឹនសៀបានថ្លែងថា ប្រទេសចិនបានខិតខំជំរុញការអភិវឌ្ឍដោយស៊ីសង្វាក់គ្នានិងគ្រប់ជ្រុងជ្រោយរវាងសិទ្ធិសេដ្ឋកិច្ច សិទ្ធិសង្គម សិទ្ធិវប្បធម៌ជាមួយនិងសិទ្ធិប្រជាពលរដ្ឋ និងសិទ្ធិនយោបាយ ដែលទទួលបានសមិទ្ធផលយ៉ាងធំធេង ក្នុងនោះបូករួមទាំងការលុបបំបាត់ភាពក្រីក្រដាច់ខាតងផដែរ។ ប្រជាជនចំនួន ១៤០០ លាននាក់ជាម្ចាស់លើខ្លួនឯង រស់នៅនិងប្រកបរបរចិញ្ចិមជីវិតយ៉ាងសុខសាន្ត ព្រមទាំងចែករំលែកគ្នានូវផលប្រយោជន៍ដែលបានពីភាពសច្ចយុត្តិធម៌ វឌ្ឍនភាពនិងវិបុលភាព។ នេះគឺជាការអនវុត្តជាក់ស្តែងនូវសិទ្ធិមនុស្សដ៏អស្ចារ្យបំផុត និងជាសមិទ្ធផលផ្នែកសិទ្ធិមនុស្សដ៏ធំធេងបំផុត។
លោកឆឹនសៀបានថ្លែងទៀតថា ប្រទេសមួយចំនួនមិនគិតគូរពីការពិត មួលបង្កាត់ដោយចេតនាអាក្រក់ចំពោះប្រទេសចិន ដែលបានលាតត្រដាងដោយពេញលេញថា សិទ្ធិមនុស្សគ្រាន់តែជាឧបករណ៍សម្រាប់ពួកគេប្រើសម្រាប់លេងល្បែងនយោបាយតែប៉ុណ្ណោះ។ ប្រសិនបើប្រទេសទាំងនេះខិតខំជំរុញនិងការពារសិទ្ធិមនុស្សដោយចិត្តស្មោះមែន នោះមិនគួរដើរបង្កហេតុនៅគ្រប់ទីកន្លែង និងជ្រៀតជ្រែកកិច្ចការផ្ទៃក្នុងរបស់ប្រទេសដទៃនោះទេ តែគួរផ្តល់ជំនួយផ្នែកបច្ចេកវិទ្យានិងហិរញ្ញវត្ថុឱ្យបានច្រើនតាមដែលអាំចធ្វើទៅបាន ដើម្បីលុបបំបាត់ភាពក្រីក្រីនិងបញ្ហាអត់ឃ្លាននៅទូទាំងពិភពលោក និងធានាយ៉ាងប្រាកដប្រជាឱ្យវ៉ាក់សាំងត្រូវបានចែកចាយដោយយុត្តិធម៌នៅ ទូទាំងពិភពលោក៕