ជុំវិញករណីដែលកាលពីពេលថ្មីៗនេះ អ្នកជំនាញផ្នែកសិទ្ធិមនុស្សរបស់អង្គការសហប្រជាជាតិជាច្រើនរូបបានបង្ហាញការព្រួយបារម្ភអំពីការប្រើកម្លាំងបាយជ្រុលហួសហេតុរបស់ប៉ូលីសអាមេរិក លោកWangWenbin អ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងកាលពីថ្ងៃទី ១ ខែមីនាថា មនុស្សគ្រប់រូបនៅលើពិភពលោក មិនថាមានពូជសាសន៍ ពណ៌សម្បុរ ភេទឬសញ្ជាតិណាមួយទេ គឺគួរតែទទួលបានការគោរពនិងការថែករក្សា សិទ្ធិមនុស្សគួរតែទទួលបានការការពារ ។ ប្រទេសចិនរំពឹងទុកថា សហរដ្ឋអាមេរិកនឹងបោះបង់ចោលស្តង់ដារពីរ ព្រមនឹងចាត់វិធានការដើម្បីលើកកម្ពស់និងការពារសិទ្ធិមនុស្សប្រកបដោយប្រសិទ្ធភាព។
កាលពីថ្ងៃទី ២៦ ខែកុម្ភៈ អ្នកជំនាញផ្នែកសិទ្ធិមនុស្សរបស់អង្គការសហប្រជាជាតិចំនួន ២៣ រូបបានចេញសេចក្តីថ្លែងការណ៍រួមមួយ ដោយបញ្ជាក់ថា សហរដ្ឋអាមេរិកត្រូវតែដោះស្រាយការអនុវត្តន៍ច្បាប់ដោយហិង្សារបស់កងកម្លាំងប៉ូលីស និងការរើសអើងជាតិសាសន៍ ព្រមទាំងចាត់វិធានការដើម្បីធានាថាការប្រើប្រាស់កម្លាំងបាយជ្រុលហួសហេតុមិនអាចគេចផុតពីការទទួលទណ្ឌកម្មនោះឡើយ ។