ប្រទេសចិនជិតនឹងបើកធ្វើមហាសន្និបាតនៃសភាទាំងពីរ ដែលជាខណៈពេលដ៏សំខាន់នៃការពិនិត្យពិភាក្សាអំពីរបៀបវារៈនយោបាយប្រចាំឆ្នាំរបស់ខ្លួន ។ ការបើកធ្វើមហាសន្និបាតនៃសភាទាំងពីរឆ្នាំ ២០២១ នេះចំពេលចាប់ផ្តើមអនុវត្តផែនការ ៥ ឆ្នាំទី ១៤ និងដំណើរថ្មីនៃការកសាងប្រទេសសង្គមនិយមទំនើបដោយគ្រប់ជ្រុងជ្រោយ ។ មហាសន្និបាតនៃសភាតំណាងប្រជាជនទូទាំងប្រទេសចិននឹងធ្វើការពិនិត្យពិភាក្សាស្តីពីសេដ្ឋកិច្ចជាតិនិងការអភិវឌ្ឍសង្គម និងសេចក្តីព្រាងច្បាប់ស្តីពីទិសដៅរយៈពេលវែងឆ្នាំ២០៣៥ ។ ទីភ្នាក់ងារសារព័ត៌មានRuterបានយល់ឃើញថា វានឹងដាក់ចេញនូវចក្ខុវិស័យសេដ្ឋកិច្ចដែលកាន់តែបៃតង និងប្រកបដោយនវានុវត្តន៍សម្រាប់ប្រទេសចិន ។
និយាយជារួម សហគមន៍អន្តរជាតិបានយកចិត្តទុកដាក់ខ្ពស់លើ ៤ ចំណុចខាងក្រោម ៖ ទីមួយ និម្មាបនកម្មអភិវឌ្ឍន៍ថ្មីដែលមានដំណើរវិលជុំក្នុងស្រុកនិងអន្តរជាតិ ទីពីរ នវានុវត្តន៍ដោយម្ចាស់ការរបស់ប្រទេសចិន ទីបី បញ្ហាកំណត់ស្តង់ដារ ការប្រឆាំងភាពផ្តាច់មុខ និងការការពារកម្មសិទ្ធិបញ្ញាជាដើមរបស់ប្រទេសចិន ទីបួន តើប្រទេសចិននឹងសម្រេចការកាត់បន្ថយការបញ្ចេញកាបូនដោយរបៀបណា?