ស្រុកស៊ីទាន ៖ ខ្ទឹមសនាំចេញទៅប្រទេសរុស្ស៊ី កសិករបានបង្កើនចំណូល
នៅខែមីនា ឆ្នាំ ២០២១ កសិករនៅភូមិធូកាង ឃុំរឹហឹ ស្រុកស៊ីទាន ខេត្តយូណាន កំពុងមមាញឹកជីកខ្ទឹមស កាត់ខ្ទឹមស វេចខ្ជាប់ ថ្លឹង ដឹកជញ្ជូន និងដាក់ខ្ទឹមសក្នុងរថយន្ត ។ នៅរដូវប្រមូលខ្ទឹមស ទោះបីជារវល់ពិតមែន ប៉ុន្តែកសិករទាំងអស់សប្បាយចិត្តណាស់ ។
លោកស្រី វ៉ា វីជូន ជាកសិករដាំខ្ទឹមសមួយរួបក្នុងក្រុមដាំខ្ទឹមស ។ ៦ ឆ្នាំមុន គាត់មកពីស្រុកជី ក្រុងកាហ្វី ខេត្តហឺណាន មកដល់ស្រុកស៊ីទាន ដើម្បីដាំខ្ទឹមស ។
លោកស្រី វ៉ា វីជូន បានបញ្ជាក់ថា “ឆ្នាំនេះខ្ញុំបានដាំខ្ទឹមសចំនួន ២៧ ហិកតា ឥឡូវនេះ ខ្ទឹមសមួយគីឡូ ៣.៧ យាន់ ក្នុង ០.០៦ ហិកតា បានចំណូលដុល ៧០០០ ដល់ ៨០០០ យាន់ ដកចំណាយពលកម្ម ៣០០០ យាន់ យើងនៅតែអាចរកចំណូលបានច្រើនគួរសម ។”
លោកស្រី វ៉ា វីជូន បានប្រាប់អ្នកសារព័ត៌មានថា អាកាសធាតុ និងដីរបស់ស្រុកស៊ីទានសាកសមសម្រាប់ដាំខ្ទឹមស។ ខ្ទឹមសដាំនៅនីនេះធំ និងពណ៌សល្អ រសជាតិក៏ឆ្ងាញ់ដែរ ដែលអាចទាក់ទាញឈ្មួញមកទិញ ។
លោក យ៉ាង ឈានយោ ជាអ្នកលក់ខ្ទឹមស គាត់មកពីក្រុងជីជីអាអឺ ខេត្តហឺឡុងជាំង ។ លោកបានបញ្ជាក់ថា “ឆ្នាំនេះជាឆ្នាំទីមួយដែលខ្ញុំមកដល់ស្រុកស៊ីទានដើម្បីទិញយកខ្ទឹមសចំនួន ៦០០ តោន ឥឡូវ ខ្ញុំទិញបាន ១០០ តោនហើយ ។ ខ្ញុំត្រៀមនាំខ្ទឹមសនេះទៅទីក្រុងមូស្គូ ប្រទេសរុស្ស៊ី ពីព្រោះ នៅទីនោះពួកគេចូលចិត្តបរិភោគខ្ទឹមសណាស់ ។”
ក្រៅពីលក់ទៅប្រទេសរុស្ស៊ី ខ្ទឹមសរបស់ស្រុកស៊ីទានបានលក់ទៅគ្រប់ទីកន្លែងនៅប្រទេសចិនតាមអនឡាន និងហាងទំនិញ ។ លោក ចាំង ឡុងហ្វូ បុគ្គលិករបស់មជ្ឈមណ្ឌលសេវាកម្មអេឡិចត្រូនិចស្រុកស៊ីនទានបានណែនាំថា “ចាប់តាំងពីខ្ទឹមសរបស់យើងនាំទៅផ្សារ រាល់ថ្ងៃយើងអាចលក់ខ្ទឹមសចំនួន ៤ ម៉ឺនគីឡូតាមអនឡាញ ។”
តាមប្រភពព័ត៌មានបានឱ្យដឹងថា ឆ្នាំនេះស្រុកស៊ីទាន បានដាំខ្ទឹមសចំនួន ៤០០ ហិកតា ស្មើនឹង ៤២០ លានយាន់ ។ ខ្ទឹមសនេះមិនគ្រាន់តែជាម្ហូបអាហារដ៏ឆ្ងាញ់លើតុបាយរបស់ពួកគេប៉ុណ្ណោះទេ ហើយក៏បានជួយកសិករបង្កើនចំណូលទៀតផង ។
អ្នកបកប្រែ៖刘蓉