តាមរបាយការណ៍របស់ក្រសួងសុខាភិបាល គិតត្រឹមយប់ថ្ងៃទី១២បង្ហាញថា ចាប់ពីថ្ងៃទី១០ ខែកុម្ភៈ រហូតដល់ថ្ងៃទី១៤ ខែមីនា ឆ្នាំ២០២១នេះ កម្ពុជាបានចាក់វ៉ាក់សាំងការពារជំងឺកូវីដ១៩ ស៊ីណូហ្វាម (Sinopharm) របស់ប្រទេសចិនសរុបចំនួន ២៣៥៧០០ នាក់ ។
នៅថ្ងៃទី ១៣ ខែមីនា ឆ្នាំ ២០២១ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាស្ត្រីអ្នកនាំពាក្យដ៏លេចធ្លោរបស់ក្រសួងសុខាភិបាលបានមានប្រសាសន៍ថា “យើងសូមអរគុណមិត្តចិនដែលឧបត្ថម្ភវ៉ាក់សាំងដ៏មានតម្លៃនេះ ។ ប្រជាជនខ្មែរដែលបានចាក់វ៉ាក់សាំងកូវីដ១៩ ស៊ីណូហ្វាម (Sinopharm) របស់ចិន គ្មានអ្នកណាមានប្រតិកម្មធ្ងន់ធ្ងរទេ ។”
នាថ្ងៃទី ៧ ខែកុម្ភៈ ឆ្នាំ ២០២១ វ៉ាក់សាំងដំណាក់កាលទី១ ដែលជាជំនួយរបស់ប្រទេសចិន បានត្រូវបញ្ជូនមកដល់ទីក្រុងភ្នំពេញ នាថ្ងៃទី ១០ ខែកុម្ភៈ ឆ្នាំ ២០២១ ប្រជាជនខ្មែរចាប់ផ្តើមចាក់វ៉ាក់សាំងស៊ីណូហ្វាម (Sinopharm) របស់ចិនក្នុងទ្រង់ទ្រាយធំ ។
តាមរបាយការណ៍របស់ក្រសួងសុខាភិបាលនៅយប់ថ្ងៃទី១២បង្ហាញថា កម្ពុជាបានរកឃើញអ្នកឆ្លងកូវីដ១៩ ថ្មីចំនួន៣៩ នាក់ អ្នកឆ្លងកូវីដ១៩ សរុបចំនួន ១២៦៤ នាក់ ក្នុងនោះអ្នកជាសះស្បើយចំនួន ៦២៣នាក់ ស្លាប់ដោយសារកូវីដ១ម្នាក់ ៕
អ្នកបកប្រែ៖刘蓉