ក្រុងជូនហៃ ជាក្រុងស្នូលក្នុងតំបន់សេដ្ឋកិច្ចទន្លេគជ់ រាល់ឆ្នាំយុរជនជាច្រើនមកដល់ក្រុងជូហៃដើម្បីស្វែងរកការងារ។ គ្រួសារ យូ រ៉ាងតូ ជាគ្រួសារក្រីក្រ ក្រោមគោលនយោបាយជំនួយរបស់រដ្ឋចិន និងការខិតខំរបស់គ្រួសារ ពួកគេចាកចេញពីភ្នំរបស់ស្រុកជនជាតិប៉ា និងជនជាតិភូមីឡានភីង មណ្ឌលស្វយ័តជនជាតិលីស៊ូនូជាំង មកដល់ទីក្រុងជូហៃ សមាជិកទាំងអស់បានមានការងារធ្វើ ចំណូលរបស់គ្រួសារ យូ រ៉ាងតូ មានចំនួនលើសពី ១០ ម៉ឺនយាន់ ។ ការរស់នៅរបស់គ្រួសារ យូ រ៉ាងតូ មានភាពធូរធារ ហើយនេះគឺជាអ្វីដែលគ្រួសារគាត់មិនហ៊ានស្រមៃដល់។
ក្រោយពីពលរដ្ឋក្រីក្រនៃមណ្ឌលស្វយ័តជនជាតិលីស៊ូនូជាំងចាកចេញពីភ្នំ និងផ្លាស់ប្តូរផ្ទះថ្មីនៅក្រុងក្រុងជូហៃ បាននាំក្រុមហ៊ុនដល់មណ្ឌលស្វយ័តជនជាតិលីស៊ូនូជាំង ប្រើប្រាស់វិធី”ជំនួយរដ្ឋបាលជូហៃ+ក្រុមហ៊ុន+គ្រួសារក្រីក្រ” សាងសង់រោងចក្រសម្លៀកបំពាក់ជនជាតិ និងរោងចក្រផលិតឧបករណ៍កីឡាBaseball ជាដើម ដើម្បីផ្តល់ឱកាសការងារដល់នារី និងជនពិការជាដើម ។
លោកស្រី ចាំងភីង ផ្លាស់ប្តូរផ្ទះពីឃុំជីនទីង ស្រុកឡានភីង ដល់តំបន់ស្នាក់នៅថ្មី បាននិយាយដោយសប្បាយរីករាយថា “ពីមុន ការរស់នៅរបស់គ្រួសារខ្ញុំទាំង ៦ នាក់បានពឹងផ្អែកលើការដាំពោត គ្មានសំណាងបានញ៉ាំសាច់ទេមួយឆ្នាំៗ ។ ក្រោយពីផ្លាស់ប្តូរផ្ទះដល់ទីក្រុង យើងរស់នៅក្នុងផ្ទះថ្មី ខ្ញុំនិងប្តីធ្វើការនៅរោងចក្រ ប្រាក់ខែមានចំនួន ៥០០០ យាន់ ការរស់នៅរបស់យើងពោរពេញដោយសេចក្តីសង្ឃឹម ។”
នៅឆ្នាំ ២០១៦ ក្រុងជូនហៃ និងមណ្ឌលស្វយ័តជនជាតិលីស៊ូនូជាំង”ភ្ជាប់និស្ស័យ”ចាប់ដៃគ្នាកាត់បន្ថយភាពក្រីក្រ។ ក្នុងរយៈពេល ៥ ឆ្នាំកន្លងមកនេះ ក្រុងជូហៃក្រោមស្មារតី”តម្រូវការរបស់មណ្ឌលស្វយ័តជនជាតិលីស៊ូនូជាំង ក្រុងជូហៃនឹងបំពេញតាមសមត្ថភាព” ធ្វើការច្នៃប្រឌិតពីការបណ្តុះបណ្តាលអ្នកជំនាញដល់ការនាំចេញកម្លាំងពលកម្មពីជំនួយឧបត្ថម្ភការអប់រំដល់ជំនួយឧបត្ថមការព្យាបាល ខិតខំប្រឹងប្រែង និងយកចិត្តទុកដាក់ជួយមណ្ឌលស្វយ័តជនជាតិលីស៊ូនូជាំង កាត់បន្ថយភាពក្រីក្រ និងនាំពួកគេឆ្ពោះទៅជីវភាពរស់នៅធូរធារ ។
រាល់ព្រឹក លោក ឈាន យុងហ្វូ អ្នកស្រុកជនជាតិទូឡុងនឹងឡើងភ្នំស្ពាយដី ដើម្បីដាក់ជីដល់ផ្សិត Morel ។ ឆ្នាំមុន គាត់រកបានចំណូលចំនួន ៤៨០០០ យាន់ពីផ្សិត Morel ។ គាត់បានបញ្ជាក់ដោយសប្បាយចិត្តថា “សូមអរគុណសាច់ញាតិរបស់ក្រុងជូហៃដែលជួយខ្ញុំរកឃើញផ្លូវនាំទ្រព្យ ។”
នៅឆ្នាំ ២០១៧ ក្រុងជូហៃបាននាំប្រជាជននៅមណ្ឌលស្វយ័តជនជាតិលីស៊ូនូជាំង ដាំផ្សិតMorel ។ ក្នុងរយៈពេល ៣ ឆ្នាំកន្លងមកនេះ ក្រោមការជួយពីក្រុងជូហៃ មណ្ឌលស្វយ័តជនជាតិលីស៊ូនូជាំង បានដាំផ្សិតMorel ទំហំ ១៣៣ ហិកតា មានគ្រួសារចំនួន ៩០០ និងមនុស្សចំនួន ៣០០០ បានទទួលផលប្រយោជន៍ពីផ្សិតMorel ផ្សិត Morel បានក្លាយជាគម្រោងល្អសម្រាប់បង្កើនចំណូល ។
រហូតដល់បច្ចុប្បន្ននេះ ក្រុងជូហៃបានផ្តល់គម្រោងចំនួន ១៦៦ ដល់មណ្ឌលស្វយ័តជនជាតិលីស៊ូនូជាំង និងប្រាក់ជំនួយចំនួន ២៧១លានយាន់ ។ គម្រោងទាំងនេះរួមមានស្បៀងអាហារពិសេស បន្លែ ផ្លែឈើ ថ្នាំចិនសែ សំលៀកបំពាក់ជនជាតិជាដើម មានជនក្រីក្រចំនួនប្រមាណ ៨ ម៉ឺននាក់បានទទួលផលប្រយោជន៍ ។
អ្នកបកប្រែ៖刘蓉