ថ្ងៃទី ១៥ ខែ មីនា លោក Zhang Jun តំណាងអចិន្ត្រៃយ៍របស់ប្រទេសចិនប្រចាំនៅអង្គការសហប្រជាជាតិបានផ្ញើសារលិខិតជូនលោក Guterres អគ្គលេខាធិការអង្គការសហប្រជាជាតិ ដើម្បីជម្រាបជូនជាផ្លូវការអំពីការដែលប្រទេសចិននឹងបរិច្ចាគវ៉ាក់សាំងជំងឺ Covid-19 ជូនដល់កងកម្លាំងរក្សាសន្តិភាពនៃអង្គការសហប្រជាជាតិ និងផ្តល់អាទិភាពជូនកងកម្លាំងដែលកំពុងបំពេញភារកិច្ចក្នុងតំបន់បេសកកម្មនៅអាហ្វ្រិក ។
គណៈប្រតិភូអចិន្ត្រៃយ៍របស់ប្រទេសចិនប្រចាំនៅអង្គការសហប្រជាជាតិបានថ្លែងថា នេះជាវិធានការលម្អិតដែលប្រទេសចិនអនុវត្តជាក់ស្តែងនូវការធ្វើឱ្យវ៉ាក់សាំងជំងឺ Covid-19 ទៅជាទំនិញសាធារណៈជាសកល ក៏ជាការបង្ហាញពីការគាំទ្រជាក់ស្តែងរបស់ប្រទេសចិនដល់អង្គការសហប្រជាជាតិនិងពហុភាគីនិយមផងដែរ ។ ប្រទេសចិនយកចិត្តទុកដាក់ខ្ពស់ចំពោះសុវត្ថិភាពរបស់កងកម្លាំងរក្សាសន្តិភាព គាំទ្យឱ្យកងកម្លាំងរក្សាសន្តិភាពទទួលបានការចាក់វ៉ាក់សាំងជំងឺ Covid-19 ក្នុងពេលឆាប់ៗ ដើម្បីការពារអាយុជីវិតនិងសុខភាពរបស់ពួកគេ ដើម្បីបំពេញបេសកកម្មរក្សាសន្តិភាពឱ្យបានកាន់តែល្អ ៕