នាថ្ងៃទី ១៦ ខែមីនា ឆ្នាំ ២០០២១ សារមន្ទីរទីតាំងប្រជុំសមាជលើកទីមួយនៃបក្សកុម្មុយនីស្តចិន ដែលស្ថិតនៅទីតាំងលេខ ៧៦ ផ្លូវសីងយឹ ក្រុងសៀងហៃ បានទទួលភ្ញៀវកិតិ្តយសពិសេសមួយរូបគឺ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ។
បើយើងចូលតាមទ្វារបុរាណនៃក្រុងសៀងហៃ មានបន្ទប់ទទួលភ្ញៀវមិនសូវធំមួយ មានតុឈើមួយ និងគ្រឿងតែមួយឈុត ដែលជាទិដ្ឋភាពដើមនៅខែកក្កដា ឆ្នាំ ១៩២១ គឺការប្រជុំសមាជលើកទីមួយនៃបក្សកុម្មុយនីស្តចិន ។
លោក សី ហ្វីង ប្រធាងសារមន្ទីរបានឧទ្ទេសនាមថា “ឆ្នាំនេះជាខួបឆ្នាំទី ១០០ នៃការបង្កើតបក្សកុម្មុយនីស្តចិន ។ នៅឆ្នាំ១៩៦៣ និង ឆ្នាំ១៩៧២ ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រកម្ពុជា បានយាងមកធ្វើទស្សនកិច្ចនៅសារមន្ទីរនេះ។ ” លោក សី ហ្វីង បានរៀបរាប់អំពីប្រវត្តិនៃការបង្កើតបក្សកុម្មុយនីស្តចិនដែលប្រកបដោយក្តីលំបាក ហើយរំលឹកឡើងវិញនូវមិត្តភាពចិននិងកម្ពុជា ។
នៅថ្ងៃទី១៥ ខែមីនា ឆ្នាំ២០២១ ខណៈដែល ព្រះករុណា ព្រះបាទសម្តេចព្រះបរមនាថ នរោត្តម សីហមុនី ទ្រង់យាងទៅដល់ទីក្រុងសៀងហៃ ព្រះអង្គមានព្រះរាជបន្ទូលថា “ព្រះអង្គសព្វព្រះទ័យយ៉ាងខ្លាំងដែលបានមកធ្វើទស្សនកិច្ចនៅទីក្រុងសៀងហៃ គោលដៅសំខាន់បំផុតគឺធ្វើទស្សនកិច្ចនៅសារមន្ទីរទីតាំងប្រជុំសមាជលើកទីមួយនៃបក្សកុម្មុយនីស្តចិន ។”
នៅខាងមុខក្លោងទ្វារសារមន្ទីរ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានថតរូបអនុស្សាវរីយ៍ និងទទួលសៀវភៅ"បដិវត្តកុម្មុយនិស្ត"ដែលវត្ថុអនុស្សាវរីយ៍របស់សារមន្ទីរ ។
ព្រះករុណា ព្រះបាទសម្តេចព្រះបរមនាថ នរោត្តម សីហមុនីព្រះរាជបន្ទូលថា “ទីនេះជាទីតាំងដែលប្រកបដោយអត្ថន័យវិសេសវិសាលទាំងផ្នែកនយោបាយ និងប្រវត្តិសាស្រ្ត ។ សារមន្ទីរទីតាំងប្រជុំសមាជលើកទីមួយនៃបក្សកុម្មុយនីស្តចិន ជាសក្សីកម្មប្រវត្តិសាស្រ្តនៃបក្សកុម្មុយនីស្តចិនដែលបានពុះពារឧបសគ្គគ្រប់បែបយ៉ាងក្នុងការកសាងប្រទេសចិន និងបម្រើប្រជាជនចិន ។”
បន្ទាប់ពីទស្សនកិច្ចទីតាំងលេខ៧៦ ផ្លូវសីងយឹ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានយាងបន្តទៅក្រុងជាស៊ីខេត្តចឺជាំងដែលជាទីតាំងប្រវត្តិសាស្រ្តនៃការកេាះប្រជុំសមាជរួមលើកទីមួយនៃបក្សកុម្មុយនីស្តចិន។
អ្នកបកប្រែ៖刘蓉