ថ្មីៗកន្លងទៅនេះ ស្ថានទូតនិងស្ថានកុងស៊ុលរបស់ប្រទេសចិនប្រចាំនៅជប៉ុន ប៉ាគីស្ថាន ហ្វីលីពីន អ៊ីស្រាអែល និងថៃជាដើមបានចេញសេចក្តីជូនដំណឹងជាបន្តបន្ទាប់ថា ចាប់ផ្តើមពីថ្ងៃទី ១៥ ខែ មីនា តទៅ នឹងផ្តល់ភាពងាយស្រួលលើការផ្តល់ទិដ្ឋាការសម្រាប់អ្នកដាក់ពាក្យស្នើសុំដែលបានទទួលការចាក់វ៉ាក់សាំងជំងឺ Covid-19 ដែលផលិតដោយប្រទេសចិននិងមានវិញ្ញាបនបត្រចាក់វ៉ាក់សាំង ។ បន្ទាប់ពីជនបរទេសបានដាក់ពាក្យសុំទិដ្ឋាការដើម្បីធ្វើដំណើរទៅប្រទេសចិន ស្ថានទូតឬស្ថានកុងស៊ុលរបស់ប្រទេសចិនប្រចាំនៅបរទេសនឹងពិនិត្យនិងសម្រេចថា តើត្រូវផ្តល់ទិដ្ឋាការជូនឬយ៉ាងណាដោយអនុលោម តាមស្ថានភាពជាក់ស្តែងរបស់អ្នកដាក់ពាក្យ ៕