ថ្ងៃទី ១៨ខែមីនា លោកកាវហ្វឹង អ្នកនាំពាក្យក្រសួងពាណិជ្ជកម្មចិនបានធ្វើបទបង្ហាញក្នុងសន្និសីទកាសែតជាប្រចាំថា ការត្រួតពិនិត្យសន្តិសុខខាងការវិនិយោគរបស់ពាណិជ្ជករបរទេសជាទម្លាប់អន្តរជាតិ បើមើលពីចក្ខុវិស័យវែងឆ្ងាយ វាមានអំណោយផលដល់សហគ្រាសទុនបរទេសធ្វើការអភិវឌ្ឍមុខរបររបស់ខ្លួនឱ្យបានកាន់តែល្អប្រសើរនៅប្រទេសចិន ហេតុនេះ ប្រទេសចិនអនុវត្ត«វិធីត្រួតពិនិត្យចំពោះសន្តិសុខខាងការវិនិយោគរបស់ពាណិជ្ជករបរទេស»នឹងមិនបន្ថែមបន្ទុកគ្មានការមិនចាំបាច់ដល់វិនិយោគិននិងសហគ្រាសបរទេសដែលប្រកបអាជីវកម្មធម្មតានោះ ឡើយ។
សូមបញ្ជាក់ថា «វិធីត្រួតពិនិត្យចំពោះសន្តិសុខខាងការវិនិយោគរបស់ពាណិជ្ជករបរទេស»ត្រូវបានអនុវត្តជាផ្លូវការចាប់ពីខែមករាឆ្នាំ២០២១មក ដែលបានកំណត់ជាក់លាក់នូវក្របខ័ណ្ឌវិនិយោគរបស់ពាណិជ្ជករបរទេសដែលត្រូវទទួលការត្រួតពិនិត្យផ្នែកសន្តិសុខដែលផ្តោតសំខាន់ពីរវិស័យ៖ ទីមួយគឺវិនិយោគលើវិស័យពាក់ព័ន្ធនឹងសន្តិសុខការពារជាតិ ដូចជាបរិក្ខារយោធា និងសម្ភារៈពាក់ព័ន្ធ មួយទៀតគឺវិនិយោគលើវិស័យចំនួន ៩ ដែលពាក់ព័ន្ធនឹងសន្តិសុខជាតិ ដូចជាវិស័យកសិផលសំខាន់ៗ ថាមពលសំខាន់ៗនិងធនធានសំខាន់ៗជាដើម ហើយទទួលបានសិទ្ធិគ្រប់គ្រងជាក់ស្តែងពីសហគ្រាសដែលខ្លួនវិនិយោគនោះ៕