ថ្ងៃទី២២ខែមីនា លោកស៊ីជីនភីងប្រធានរដ្ឋចិននិងព្រះចៅNawaf របស់កូវ៉ែតបានផ្ញើសារលិខិតទៅវិញទៅមក ដើម្បីអបអរសាទរខួបទី៥០ឆ្នាំនៃការបង្កើតទំនាក់ទំនងការទូតរវាងចិននិងកូវ៉ែត។
ថ្លែងក្នុងលិខិត លោកស៊ីជីនភីង បានគូសបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ប្រទេសទាំងពីរបានបង្កើតទំនាក់ទំនងភាពជាដៃគូយុទ្ធសាស្ត្រ ហើយទំនុកចិត្តខាងនយោបាយចំពោះគ្នាមានភាពកាន់តែស៊ីជម្រៅ កិច្ចសហប្រតិបត្តិការលើគ្រប់វិស័យទទួលបានលទ្ធផលជាផ្លែផ្កាយ៉ាងច្រើន ក៏ដូចជាបានសហការគ្នាយ៉ាងជិតស្និទ្ធក្នុងកិច្ចការអន្តរជាតិនិងក្នុងតំបន់ផងដែរ។លោកបានសម្តែងក្តីរីករាយក្នុងការធ្វើកិច្ចខិតខំប្រឹងប្រែងរួមគ្នាជាមួយព្រះចៅNawaf ដោយចាត់ទុកខួបទី ៥០ នៃការបង្កើតទំនាក់ទំនងការទូតរវាងប្រទេសទាំងពីរជាឱកាសមួយ ដើម្បីលើកកម្ពស់មិត្តភាពប្រពៃណីនិងធ្វើឱ្យស៊ីជម្រៅនូវកិច្ចសហប្រតិបត្តិការលើវិស័យនានាស្ថិតក្រោមក្របខ័ណ្ឌនៃការរួមគ្នាកសាងខ្សែក្រវាត់និង ផ្លូវ "ដើម្បីផ្តល់ផលប្រយោជន៍ដល់ប្រទេសទាំងពីរនិងប្រជាជននៃប្រទេសទាំងពីរ។
ព្រះចៅNawafបានមានបន្ទូលក្នុងសារលិខិតថា ទំនាក់ទំនងរវាងកូវ៉ែតនិងចិនមានភាពរឹងមាំហើយកំពុងបន្តអភិវឌ្ឍនិងស៊ីជម្រៅថែមទៀត។ទ្រង់រំពឺងថានឹងអាចពង្រឹងទំនាក់ទំនងទ្វេភាគីថែមទៀតក៏ដូចជាំលើកកម្ពស់និងពង្រីកកិច្ចសហប្រតិបត្តិការលើគ្រប់វិស័យ។