លោកតា នីម៉ា មានអាយុ ៧៦ ឆ្នាំ ជាអ្នកភូមិចូហឹ ឃុំសៀស៊ួយ ស្រុកឆាងជឹ ក្រុងសានណាន តំបន់ស្វយ័តទីបេត៍ ក៏ជាអ្នកបន្តផ្សព្វផ្សាយរបាំ”ចូហឹចូវ” ដែលជាបេតិកភណ្ឌវប្បធម៌អរូបីថ្នាក់ជាតិចិនផងដែរ ។
របាំ”ចូហឹចូវ” ជាសិល្បៈពិសេសមួយក្នុងវប្បធម៌ប្រពៃណីតំបន់ស្វយ័តទីបេត៍ ដែលមានប្រវត្តិសាស្រ្តប្រមាណ ១៣០០ ឆ្នាំហើយ ។ មុនឆ្នាំ ១៩៥៩ តំបន់ស្វយ័តទីបេត៍ធ្វើកំណែទម្រង់ប្រជាធិបតេយ្យ គ្រួសាររបស់នីម៉ាជាទាសកររបស់គ្រួសារស៊ីអូ ។ តាំងពីលោកតានីម៉ានៅតូច គាត់បានចាប់ផ្តើមឃ្វាលគោ ឃ្វាលចៀម និងធ្វើកសិកម្ម ក្រៅពីនេះ គាត់ត្រូវរាំរបាំដើម្បីបង់ពន្ធជំនួសគ្រួសារស៊ីអូ ទៅប្រាសាទរឺអូតឺឆាង ។
នៅសង្គមពីដើមនៃតំបន់ស្វយ័តទីបេត៍ របាំ”ចូហឹចូវ”ធ្វើឱ្យលោកតានីម៉ាមានការរងទុក្ខវេទនាជាច្រើន ។ លោកតានីម៉ាបានបញ្ជាក់ថា “ពីមុន ខ្ញុំរៀនរបាំរបាំចូហឹចូវដើម្បីបង់ពន្ធដល់ប្រាសាទរឺអូតឺឆាង ។ ក្នុងការរាំនេះ អ្នករាំត្រូវមានសក់វែង មានយុវជនខ្លះមិនចង់ស៊ូទ្រាំរងទុក្ខវេទនានេះទេ ពួកគេលួចកាត់សក់ខ្លួនឯង ហើយគ្រូបង្រៀនរបាំនឹងវាយពួកគេ ។”
ក្រោយពីតំបន់ស្វយ័តទីបេត៍ធ្វើកំណែទម្រង់ប្រជាធិបតេយ្យ លោកតា នីម៉ា ទទួលបានជីវិតថ្មីក្នុងការបន្តផ្សព្វផ្សាយរបាំចូហឹចូវ ។ គាត់ដើរតួនាទីយ៉ាងសំខាន់ក្នុងរបាំនេះ ហើយក៏ជាអ្នកគ្រប់គ្រងរបាំនេះផងដែរ ។ សព្វថ្ងៃ នៅភូមិចូហឹ លោកតា នីម៉ា បានបង្រៀនសិស្សចំនួន ៨០ នាក់ និងបង្កើតក្រុមរបាំ នាំអ្នករបាំទទួលរង្វាន់ប្រសើរបំផុតក្នុងសិល្បៈប្រជាប្រិយចិន ។ ក្រុមរបាំតែងតែទៅសម្តែងនៅខាងក្រៅ និងឆ្ពោះទៅកាន់ឆាកកាន់តែធំ ហើយការសម្តែងរបាំចូហឹចូវ ក៏ក្លាយជាវិធីកាត់បន្ថយភាពក្រីក្ររបស់ភូមិចូហឹ ។
សព្វថ្ងៃ លោកតា នីម៉ា និងកូនស្រី កូនប្រសារប្រុស ចៅពីរនាក់ស្នាក់នៅផ្ទះពីរជាន់ ។ នៅពេលទំនេរ លោកតា នីម៉ា បង្រៀនចៅរាំរបាំ”ចូហឹចូវ” គាត់សង្ឃឹមថា ចៅៗនឹងបន្តផ្សព្វផ្សាយរបាំ”ចូហឹចូវ”បន្តទៅទៀត ។
អ្នកបកប្រែ៖刘蓉