ក្រសួងការបទេស​ចិន​រំពឹង​ទុកចំពោះ​ការ​រួមសហការ​គ្នា​តាមរយៈកិច្ច​សហប្រតិបត្តិការឡានឆាង​-មេគង្គ​ ​ដើម្បី​បង្កើត​បរិយាកាស​ក្នុងតំបន់​ប្រកបដោយសន្តិភាព​​ ​ស្ថិរភាព​និង​វិបុលភាព

2021-03-24 18:18:00 |ប្រភព:CRI

ឆ្នាំ​២០២១នេះ​ជា​ខួប​ទី ៥ នៃការ​ចាប់​ដំណើរ​ការ​នូវ​កិច្ច​សហប្រតិបត្តិការ​ឡានឆាង-មេគង្គ​ ។ ជុំវិញ​ករណី​នេះ​ លោកស្រី​HuaChunying អ្នកនាំ​ពាក្យ​ក្រសួង​ការបរទេស​ចិន​បាន​ថ្លែង​ក្នុង​សន្និសីទ​កាសែត​ជា​ប្រចាំ​កាលពី​ថ្ងៃទី ២៣ ខែ​មីនា​ថា​ ប្រទេស​ចិន​ជា​អ្នកជិត​ខាង​នៃប្រទេសទាំង​ ៥ តាម​បណ្តោយ​ទន្លេ​មេគង្គ​ ចិន​​រំពឹង​ទុកអាចរួម​សហការ​គ្នា​តាម​រយៈកិច្ច​សហប្រតិបត្តិការ​ឡានឆាង-មេគង្គ  ​ ដើម្បី​ជួយ​ពន្លឿន​ការ​អភិវឌ្ឍនៃ​ប្រទេសទាំង ៥នេះ​ ក្នុង​ន័យ​រួមគ្នា​បង្កើត​បរិយាកាស​តំបន់​ប្រកបដោយ​សន្តិភាព​ ស្ថិរភាព​ និង​វិបុលភាព ។

លោក​ស្រី​HuaChunying បាន​ថ្លែង​​ថា​ កិច្ច​សហប្រតិបត្តិការ​ទន្លឡាន​ឆាង-មេគង្គ​ជា​យន្តការ​សហប្រតិបត្តិការ​អនុតំបន់​បែបថ្មី​ដែលប្រទេស​ចិន​ កម្ពុជា​ ឡាវ​ មីយ៉ាន់​ម៉ា​ ថៃនិង​វៀតណាម​​​​បាន​រួម​គ្នា​ពិភាក្សា​  កសាង​និង​ចែក​រំលែក​  ហើយ​​ទទួលបាន​ការរីក​ចម្រើន​យ៉ាង​ឆាប់​រហ័ស​និង​លទ្ធផល​ជា​ផ្លែផ្កា​បន្ទាប់ពី​ចាប់ដំណើរ​ការ​យន្តការ​នេះ​កាលពី​ថ្ងៃទី ២៣ ខែ​មីនា​ ឆ្នាំ​២០១៦ ពោល​គឺ​បាន​ជំរុញ​ការ​អភិវឌ្ឍ​សេដ្ឋកិច្ច​សង្គម​នៃ​ប្រទេសទាំង​​ ៦ តាម​បណ្តោយទន្លេ​ ក៏​ដូច​ជា​បាននាំ​មក​នូវ​ផលប្រយោជន៍​ពិតប្រាកដ​ដល់​ប្រជាជន​នៃប្រទេស​ពាក់ព័ន្ធ​ផងដែរ​ ។