ក្រសួង​ការបរទេស​ចិន​ឆ្លើយ​តប​នឹង​ការ​លើក​ឡើង​របស់​ក្រុមហ៊ុនH&Mពាក់ព័ន្ធ​នឹង​តំបន់​ស៊ីនជាំង​ប្រទេស​ចិន​ថា​ មិនអនុញ្ញាតឱ្យ​មាន​ចរិត​ “ ស៊ីបាយ​បោក​ឆ្នាំ​ ” នៅ​ប្រទេស​ចិន​ឡើយ​

2021-03-26 17:48:02 |ប្រភព:CRI

ជុំវិញ​ករណីដែល​​ក្រុម​ហ៊ុនH&Mដែល​ជា​ក្រុមហ៊ុនសម្លៀក​បំពាក់ប្រទេស​ស្វីសបាន​ធ្វើ​ពហិការ​ចំពោះ​ផលិតផល​របស់​ស៊ីន​ជាំង​ បាន​បណ្តាលឱ្យ​ប្រជាជន​ចិន​មាន​ការ​ខឹងសម្បនិង​ប្រឆាំង​យ៉ាងខ្លាំង​ លោកស្រី​HuaChunying អ្នកនាំពាក្យ​​ក្រសួង​ការបរទេស​ចិន​បាន​ថ្លែង​ក្នុង​សន្និសីទ​កាសែត​ជា​ប្រចាំ​កាលពី​ថ្ងៃទី ២៥ ខែ​មីនា​ថា​ យើង​មិន​អាច​បំពាន​ឬ​ធ្វើ​ផ្ទុយ​ពី​បំណងប្រាថ្នារបស់​ប្រជាជន​ចិនបាន​ទេ​​ ។​ បច្ចុប្បនេះ​នេះ  ប្រជាជន​ចិន​មិន​អនុញ្ញាតឱ្យ​ជនបរទេស​មួយ​ចំនួន​តូច​មក​ប្រព្រឹត្តិ​សកម្មភាព​ “ស៊ីបាយ​បោក​ឆ្នាំង​” នៅប្រទេស​ចិន​នោះ​ទេ​ ។

លោក​ស្រី​HuaChunying បាន​គូស​បញ្ជាក់​ថា កប្បាសរបស់​តំបន់​ស៊ីនជាំងជា​កប្បាស​ល្អបំផុត​មួយ​លើ​ពិភពលោក​ ការ​មិនប្រើប្រាស់​កប្បាសស៊ីនជាំង​ វា​ជា​ការ​ខាតបង់របស់​ក្រុម​ហ៊ុន​ពាក់ព័ន្ធ​តែ​ប៉ុណ្ណោះ​ ។ ការ​ចោទ​ប្រកាន់​ថា​ “នៅ​តំបន់​ស៊ីនជាំងប្រទេស​ចិន​មាន​បាតុភាព​ចាប់​បង្ខំ​ឱ្យ​ធ្វើ​ពលកម្ម ” គ្រាន់​តែ​ជា​ពាក្យកុហក​ដោយ​ចេតនាអាក្រក់​ដែល​ប្រឌិតឡើង​​ដោយ​កម្លាំង​ប្រឆាំង​ប្រទេស​ចិន​មួយ​ចំនួ​នតូច​ប៉ុណ្ណោះ​  ដើម្បី​មួល​បង្កាច់​ប្រទេស​ចិន​​បំផ្លាញសន្តិសុខ​និង​ស្ថិរភាព​ក្នុង​តំបន់​ស៊ីនជាំង​ និង​រារាំង​​ការអភិវឌ្ឍ​របស់​ចិន ។