បន្ទាប់ពីចំនួនផ្គត់ផ្គង់វ៉ាក់សាំងជំងឺកូវីដ១៩របស់ចិននៅទូទាំងពិភពលោកបានវាយទម្លុះ១រយលានដូសក្នុងរយៈពេលមុននេះមិនជាយូរប៉ុន្មាន រដ្ឋាភិបាលចិនបានប្រកាសថា គិតមកទល់វេលាម៉ោង២៤កាលពីថ្ងៃទី២៧ខែមីនា នៅទូទាំងប្រទេសចិនបានរាយការណ៍ពីការចាក់វ៉ាក់សាំងជំងឺកូវីដ១៩សរុបលើសពី១រយលានដូស ដែលប្រកបដោយសុវត្ថិភាពនិងប្រសិទ្ធភាព ។
បច្ចុប្បន្ននេះ ការចាក់វ៉ាក់សាំងជំងឺកូវីដ១៩ថ្មីជារៀងរាល់ថ្ងៃរបស់ចិនសុទ្ធតែលើសពី៣លានដូស ។ តំបន់នានាកំពុងចាត់វិធានការច្រើនបែបយ៉ាង ដោយឆ្លងតាមរយៈវិធីផ្តល់ភាពងាយស្រួលដល់ប្រជាជនជាច្រើនដូចជាកន្លែងចាក់វ៉ាក់សាំងជាបណ្តោះអាសន្ន កន្លែងចាក់វ៉ាក់សាំងចល័ត និងចាក់វ៉ាក់សាំងនៅក្នុងផ្ទះនៅកន្លែងសំខាន់ៗជាដើម ដើម្បីជំរុញឱ្យមនុស្សគ្រប់រូបអាចចាក់វ៉ាក់សាំងដោយឥតគិតថ្លៃ ក៏ដូចជាបង្កើតរបាំងស៊ាំនឹងរោគផងដែរ ៕