កាលពីថ្ងៃទី៣០ខែមីនា ពេលឆ្លើយនឹងសំនួររបស់អ្នកសារព័ត៌មានអំពីរបាយការណ៍សិក្សាស្រាវជ្រាវស្តីពីការតាមដានរកប្រភពដើមនៃវីរុសជំងឺកូវីដ១៩របស់ចិន-អង្គការសុខភាពពិភពលោកដែលប្រកាសដោយអង្គការសុខភាពពិភពលោក អ្នកនាំពាក្យក្រសួងការបរទេសចិនបានថ្លែងថា ភាគីចិនគាំទ្រអ្នកវិទ្យាសាស្ត្រប្រទេសនានាធ្វើការសិក្សាស្រាវជ្រាវវិទ្យាសាស្ត្រជាសកលអំពីការតាមដានរកប្រភពដើមនៃវីរុសនិងមធ្យោបាយចម្លងវីរុសជាប់រហូតមក គាំទ្ររដ្ឋសមាជិកដែលដឹកនាំដោយអង្គការសុខភាពពិភពលោកធ្វើកិច្ចសហប្រតិបត្តិការក្នុងការសិក្សាស្រាវជ្រាវប្រភពសត្វផ្ទុកវីរុស ។ ការតាមដានរកប្រភពដើមនៃវីរុសជាបញ្ហាវិទ្យាសស្ត្រ គួរតែអាស្រ័យដោយអ្នកវិទ្យាសាស្ត្រទូទាំងពិភពលោកធ្វើកិច្ចសហប្រតិបត្តិការនិងបំពេញការងារពាក់ព័ន្ធ ។ ទង្វើដែលធ្វើឱ្យបញ្ហាតាមដានរកប្រភពដើមនៃវីរុសក្លាយជាបញ្ហានយោបាយគ្រាន់តែនឹងរារាំងយ៉ាងធ្ងន់ធ្ងរដល់កិច្ចសហប្រតិបត្តិការក្នុងការតាមដានរកប្រភពដើមនៃវីរុសជាសកល ហើយបំផ្លាញដល់ការខិតខំប្រឹងប្រែងក្នុងការប្រយុទ្ធប្រឆាំងនឹងជំងឺកូវីដ១៩នៃទូទាំងពិភពលោក បណ្តាលឱ្យបាត់បង់ជីវិតកាន់តែច្រើន ។ ពួកយើងជឿជាក់ថា ការសិក្សាស្រាវជ្រាវរួមគ្នារវាងអង្គការសុខភាពពិភពលោកនិងចិននឹងដើរតួនាទីជំរុញដ៏ល្អប្រសើរចំពោះកិច្ចសហប្រតិបត្តិការដើម្បីតាមដានរកប្រភពដើមនៃវីរុសជាសកល ។