កាលពីថ្ងៃទី ១ ខែមីនា លោក វ៉ាងអ៊ី សមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិនបានជួបសន្ទនាជាមួយលោក Hishammuddin Hussein រដ្ឋមន្រ្តីក្រសួងការបរទេសម៉ាឡេស៊ីនៅទីក្រុងណានភីង ខេត្តហ្វូជៀននៃប្រទេសចិនព្រមទាំងរួមគ្នាជួបជាមួយអ្នកសារព័ត៌មានផង ។
លោក វ៉ាងអ៊ី បានថែ្លងថា ប្រទេសចិននិងមីយ៉ាន់ម៉ាគឺជាប្រទេសជិតខាងប្រកបដោយមេត្រីភាពដែលមានទឹកដីតភ្ជាប់ជាមួយគ្នា ។ ពួកយើងសុទ្ធតែរំពឹងដោយស្មោះត្រង់ថា គណបក្សនានានិងគ្រប់ភាគីទាំងអស់នៃប្រទេសមីយ៉ាន់ម៉ាអាចគិតពិចារណាពីផលប្រយោជន៍យូរអង្វែងរបស់ប្រទេសនិងជនជាតិដើម្បីចាប់ដំណើរការកិច្ចសន្ទនានិងការពិគ្រោះពិភាក្សាក្នុងពេលឆាប់ៗ ក៏ដូចជាដោះស្រាយការខ្វែតគំនិតក្រោមក្របខណ្ឌរដ្ឋធម្មនុញ្ញនិងច្បាប់ ក្នុងន័យបន្តជំរុញដំណើរការផ្លាស់ប្តូររូបមន្តនៃប្រជាធិបតេយ្យដែលបានមកដោយមិនងាយ ។ ពួកយើងសុទ្ធតែសម្គាល់ឃើញថា សហគមន៍អន្តរជាតិគួរតែបង្កើតបរិយាកាសដ៏ល្អប្រសើរសម្រាប់ការផ្សះផ្សានយោបាយក្នុងប្រទេសមីយ៉ាន់ម៉ាក្នុងបុរេលក្ខខណ្ឌប្រកាន់ខ្ជាប់ក្រមមូលដ្ឋាននៃទំនាក់ទំនងអន្តរជាតិស្តីពីការមិនជ្រៀតជ្រែកកិច្ចការផ្ទៃក្នុងរបស់ប្រទេសដទៃ ។ ប្រទេសចិនគាំទ្រយ៉ាងមុតមាំដល់អាស៊ានក្នុងការខិតខំជំរុញការចរចាសន្តិភាពតាមរយៈការប្រើប្រាស់"ទម្រង់អាស៊ាន"តទៅទៀត ហើយគាំទ្រឱ្យបើកធ្វើកិច្ចប្រជុំវិសាមញ្ញថ្នាក់មេដឹកនាំអាស៊ានក្នុងពេលឆាប់ៗដើម្បីធ្វើកិច្ចសម្របសម្រួលចំពោះស្ថានការណ៍របស់មីយ៉ាន់ម៉ា ៕