សមាគមសិក្សាស្រាវជ្រាវអំពីសិទ្ធិមនុស្សរបស់ប្រទេសចិនចុះផ្សាយអត្ថបទបង្ហាញថា សង្គ្រាមឈ្លានពានបរទេសរបស់អាមេរិក បានបង្កជាគ្រោះមហន្តរាយមនុស្សធម៌យ៉ាងធ្ងន់ធ្ងរ

2021-04-09 15:59:59 |ប្រភព:CRI

សមាគមសិក្សាស្រាវជ្រាវអំពីសិទ្ធិមនុស្សរបស់ប្រទេសចិន បាន​​ចុះផ្សាយ​អត្ថបទ​ក្រោមចំណង​ជើងថា​ ​«​សង្គ្រាម​ឈ្លានពាន​បរទេស​របស់​អាមេរិក​បាន​បង្កជា​គ្រោះ​មហន្តរាយ​​មនុស្សធម៌​យ៉ាង​ធ្ងន់ធ្ងរ» ដោយលើកឧទាហរណ៍ពីសង្គ្រាមឈ្លានពាន​មួយ​ចំនួន​ដែល​បំផុសឡើងដោយ​អាមេរិកបន្ទាប់ពីសង្គ្រាមលោកលើកទី២​ ​ក្នុងន័យ​លាតត្រដាងសកម្មភាពដ៏អាក្រក់​របស់​អាមេរិក​ ដែល​យក​​"ការធ្វើ​អន្តរាគនម៍បែប​​មនុស្សធម៌​​"ធ្វើ​ជា​លេស​ ដើម្បី​បំផុស​សង្គ្រាមឈ្លានពាន​ប្រទេស​ដទៃ​។​ ​អត្ថបទបានវិភាគ​យ៉ាង​ស៊ីជម្រៅថា​ សង្គ្រាម​ទាំងនេះមិនត្រឹមតែបាន​ផ្តាច់ជីវិតយោធា​ជាច្រើនប៉ុណ្ណោះ​ទេ​ ​ថែម​ទាំង​បាន​បណ្តាល​ឱ្យ​ជនស៊ីវិលស្លាប់​និង​របួសយ៉ាងច្រើនសន្ធឹក​ ព្រមនិង​បង្កឱ្យ​ខូចខាតទ្រព្យ​សម្បត្តិ​​ក្នុងកម្រិត​ធ្ងន់ធ្ងន់ក្រៃលែង​​ ដែល​បង្កជា​គ្រោះមហន្តរាយ​មនុស្សធម៌យ៉ាង​ធ្ងន់ធ្ងរ​។

បើ​តាម​ស្ថិតិមិនទាន់ពេញលេញដែលលើកឡើងក្នុង​អត្ថបទនេះ​ គិត​ពីពេល​បញ្ចប់​សង្គ្រាម​លោក​លើក​ទី២​ រហូត​ដល់​ឆ្នាំ​២០០១​ ​ក្នុង​ចំណោម​ការ​ប៉ះទង្គិចដោយ​កម្លាំងប្រដាប់អាវុធ​ចំនួន​ ​២៤៨ លើក​នៅក្នុង​តំបន់​ចំនួន​ ​១៥៣​ នៅទូទាំងពិភពលោក​ ​អាមេរិក​ជា​អ្នក​​បំផុស​ឡើង​រហូតដល់ទៅ​ ​២០១ លើក​​។​

អត្ថបទបាន​លាតត្រដាងថា​ ​ប្រតិបត្តិការ​យោធា​នាំឱ្យ​កើតមាន​វិបត្តិមនុស្សធម៌ ​ដែល​មានប្រភពចេញពី​គំនិត​អនុត្តរភា​ពរបស់អាមេរិក។​ ​ការ​រំពឹង​ឱ្យ​ប្រទេសប្រកាន់​យក​នយោបាយ​អនុវត្តភាពនិយម​ទៅ​គាំពារសិទ្ធិមនុស្ស​នៃប្រទេស​ដទៃ វា​ប្រៀនបាននឹង​ការ​ទៅសុំយកស្បែកពីសត្វខ្លាអ៊ីចឹង។ ​ដរាបណាដែល​អាច​បោះបង់​ចោល​គំនិត​អនុវត្តភាព​ដែល​ចាត់ទុកផលប្រយោជន៍ខ្លួន​ជាចម្បង​ ​ដរាបនោះទើបប្រជា​ជន​នៃប្រទេសនានា​អាច​ទទួលបាន​​សិទ្ធិ​មនុស្ស​ជាមូលដ្ឋាន​បាន​៕