លោកWangYiរដ្ឋមន្រ្តីការបរទេស​ចិនចូលរួមពិធីបដិសណ្ឋារកិច្ចអបអរ​ខួបទី៥នៃ​ការ​​ចាប់​ដំណើរការកិច្ចសហប្រតិបត្តិការឡានឆាង-មេគង្គ

2021-04-14 16:02:24 |ប្រភព:CRI

លោកWangYiសមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេស​ចិន​បាន​អញ្ជើញ​​ចូលរួមពិធីបដិសណ្ឋារកិច្ចអបអរខួបទី៥នៃការចាប់ដំណើរការកិច្ច​សហប្រតិបត្តិ​ការ​ឡានឆាង-មេគង្គកាលពីថ្ងៃទី១៣ខែមេសាព្រមនិងថ្លែង​សុន្ទរកថា។

លោកWangYiបានថ្លែងថា ​ក្នុងរយៈពេល៥ឆ្នាំកន្លងទៅ ​យន្តការសហ​ប្រតិបត្តិការ​ឡានឆាង-មេគង្គបានផ្តល់ផលប្រយោជន៍ដ៏ពិតប្រាកដដល់​ប្រជាជនតាមបណ្តោយទន្លេឡានឆាង-មេគង្គ។លោកបន្តថា ​បច្ចុប្បន្ននេះ ​ប្រទេស​ចិនកំពុងពន្លឿនការបង្កើតនិម្មាបនកម្មអភិវឌ្ឍន៍ថ្មី ​យន្តការសហ​ប្រតិបត្តិការ​ឡានឆាង-មេគង្គនឹងជួបឱកាសថ្មីផងដែរ ​យើងគួរតែប្រកាន់ខ្ជាប់ស្មារតីភាពជាដៃគូ ​ដើម្បីរួមគ្នាស្វែងរកផ្លូវអភិវឌ្ឍន៍ជាមួយគ្នា ភាគីចិនមានឆន្ទៈរួមជាមួយបណ្តាប្រទេសតាម​បណ្តោយទន្លេឡានឆាង-មេគង្គបន្តជំរុញ​យន្តការសហ​ប្រតិបត្តិការ​ឡានឆាង-មេគង្គវិវឌ្ឍរីកចម្រើនដោយឥតឈប់ឈរ ​ក្នុង​ន័យ​បង្កើត​ជា​រូបមន្ត​សហប្រតិបត្តិការថ្មីក្នុងតំបន់ ដើម្បីកសាងភាពរុងរឿងថ្កុំថ្កើងក្នុងតំបន់។