ព្រឹកថ្ងៃទី២០ខែមេសា ពិធីបើកកិច្ចប្រជុំប្រចាំឆ្នាំ២០២១នៃវេទិកាអាស៊ីនៅបូអៅបានធ្វើឡើងនៅតំបន់បូអៅខេត្តហៃណានប្រទេសចិន លោកស៊ីជីនភីងប្រធានរដ្ឋចិនបានថ្លែងសុន្ទរកថាគន្លឹះដែលមានចំណងជើងថា« រួមសុខរួមទុក្ខជាមួយគ្នាក្នុងការយកឈ្នះលើឧបសគ្គ ជោគវាសនានិងរួមគ្នាកសាងអនាគត»តាមប្រព័ន្ធវីដេអូ។
ថ្លែងក្នុងសុន្ទរកថា លោកស៊ីជីនភីងបានលើកឡើងថា ក្នុងបរិបទបច្ចុប្បន្នដែលពិភពលោកបាននិងកំពុងឋិតក្នុងភាពបម្រែបម្រួលដ៏ខ្លាំងនិងការរីករាលដាលនៃជំងឺឆ្លងដែលមិនធ្លាប់មានក្នុងរយៈពេល១រយឆ្នាំ ពិភពលោកបានឈានចូលដំណាក់កាលរង្គោះរង្គើនិងកំណែទម្រង់។ យុគសម័យដែលយើងកំពុងរស់នៅគឺយុគសម័យមួយដែលពោរពេញទៅដោយបញ្ហាប្រឈម ហើយក៏ជាយុគសម័យមួយដែលពោរពេញទៅដោយសេចក្តីសង្ឃឹមផងដែរ។តើសង្គមមនុស្សជាតិនឹងវិវឌ្ឍរីកចម្រើនទៅរកទិសដៅយ៉ាងណា? ភាគីចិនសូមផ្តួចផ្តើមថា ទ្វីបអាស៊ីនិងបណ្តាប្រទេសនានាលើពិភពលោកគួរតែពួតដៃរួមគ្នាប្រយុទ្ធប្រឆាំងនឹងជំងឺឆ្លង បង្កើនអភិបាលកិច្ចជាសកល ដើម្បីបោះជំហានឥតឈប់ឈរទៅកាន់ទិសដៅនៃការបង្កើតសហគមន៍រួមជោគវាសនារបស់មនុសុ្សជាតិ។
លោកស៊ីជីនភីងបានប្រកាសថា ភាគីចិននឹងរៀបចំធ្វើកិច្ចប្រជុំសន្ទនាខាងអរិយធម៌អាស៊ីលើកទី២បន្ទាប់ពីការរីករាលដាលនៃជំងឺឆ្លងត្រូវបានគ្រប់គ្រង ដើម្បីដើរតួនាទីយ៉ាងសកម្មក្នុងការជំរុញកិច្ចសន្ទនាខាងអរិយធម៌អាស៊ីនិងពិភពលោក ៕