“ស្លាកស្នាមកិច្ចសហប្រតិបត្តិការឡានឆាង-មេគង្គ”របស់យើងក្នុងរយៈពេល ៥ ឆ្នាំ យើងសិក្សាជាមួយគ្នា និងស្វែងរកសុបិនជាមួយគ្នា
កញ្ញា លីស៊ីឆៅមៃ មកពីប្រទេសវៀតណាម នាងបានសិក្សាជំនាញវិស្វកម្មអគ្គិសនី និងស្វ័យប្រវត្តិកម្មនៅសាកលវិទ្យាល័យវិទ្យាសាស្ត្រគុនមីញរយៈពេល ៣ ឆ្នាំ ។ កញ្ញាបានបញ្ជាក់ថា “តាំងពីតូច ខ្ញុំមានក្តីសុបិនមួយគឺធ្វើការពាក់ព័ន្ធអគ្គិសនី ។ រឿងដែលខ្ញុំមិនអាចភ្លេចគឺ ពេលខ្ញុំមានជំងឺ គ្រូពេទ្យចិន និងមិត្តភក្តិចិនយកចិត្តទុកដាក់ថែរក្សាខ្ញុំ ។ ក្រោយពីខ្ញុំបញ្ចប់ការសិក្សា ខ្ញុំនឹងត្រឡប់ទៅវៀតណាមវិញ ហើយធ្វើការពាក់ព័ន្ធនឹងជំនាញអគ្គិសនី ។”
មិត្តភក្តិដទៃទៀតរបស់កញ្ញា លីស៊ីឆៅមៃ មកពីប្រទេសវៀតណាម មីយ៉ាន់ម៉ា ឡាវ និងកម្ពុជា ។ ពួកគេសិក្សានៅសាកលវិទ្យាល័យវិទ្យាសាស្ត្រគុនមីញ និងសាកលវិទ្យាល័យក្វាងស៊ីដែលផ្តល់មូលនិធិដោយក្រុមហ៊ុនChina Southern Power Grid Company ។
តាំងពីឆ្នាំ ២០១០ ក្រុមហ៊ុន China Southern Power Grid Company ខិតខំផ្តល់មូលនិធិដល់សិស្សនៅប្រទេសអាស៊ីអាគ្នេយ៍ ។
កញ្ញា ឡ វិនណា អាយុ ២៥ ឆ្នាំ ជានិសិ្សតខ្មែរដែលបន្តការសិក្សានៅសាកលវិទ្យាល័យវិទ្យាសាស្ត្រនិងបច្ចេកវិទ្យាគុនមីញ ជំនាញវិស្វកម្មអគ្គិសនី និងស្វ័យប្រវត្តិកម្ម ក្នុងខែមិថុនា ឆ្នាំនេះ នាងនឹងបញ្ចាប់ការសិក្សាពីសាកលវិទ្យាល័យ ហើយមានការរំពឹងខ្ពស់ក្នុងជីវិតរស់នៅថ្មី ។ កញ្ញាបានបញ្ជាក់ថា “ខ្ញុំមិនធ្លាប់គិតថាអាចមានឱកាសមកបន្តការសិក្សានៅប្រទេសចិនទេ ពេលខ្ញុំសិក្សានៅប្រទេសកម្ពុជា ខ្ញុំបានទទួលដំណឹងអំពីក្រុមហ៊ុនChina Southern Power Grid Company មានគម្រោងផ្តល់មូលនិធិដល់សិស្សរបស់ប្រទេសតំបន់អាស៊ីអាគ្នេយ៍នេះដោយចៃដន្យ ។ ក្តីសុបិនរបស់ខ្ញុំគឺមានការងារល្អមួយ ខ្ញុំសង្ឃឹមថា ម្តាយខ្ញុំអាចរស់នៅកាន់តែល្អប្រសើរ ហើយខ្ញុំនឹងប្រើប្រាស់ចំណេះដឹងដែលសិក្សានៅប្រទេសចិនក្នុងការអភិវឌ្ឍឧស្សាហកម្មអគ្គិសនីនៅកម្ពុជា ។”
ពេលលោក ហុង ស៊ុនសុីង បន្តការសិក្សានៅប្រទេសចិន លោកមានកម្លាំងរស់រវើករៀងរាល់ថ្ងែ ។ លោកបានបញ្ជាក់ថា “ខ្ញុំសិក្សានៅប្រទេសចិន ខ្ញុំអាចផ្តោតអារម្មណ៍លើការសិក្សា និងលើកកម្ពស់សមត្ថភាព ហើយបានរាប់អានមិត្តភក្តិល្អជាច្រើន និងស្រូបយកថាមពលជាច្រើនពីការការអភិវឌ្ឍនៃប្រទេសចិន និងបច្ចេកទេសចិន ។ ខ្ញុំសង្ឃឹមថា ខ្ញុំអាចនាំយកចំណេះដឹងដែលខ្ញុំបានរៀននៅប្រទេសចិនទៅប្រទេសកម្ពុជាវិញ ។”
លោក ចាំង យាន់ហ៊ូ ប្រធានវិស្វករនៃក្រុមហ៊ុនអន្តរជាតិយូណាននៃក្រុមហ៊ុន China Southern Power Grid Company បានរៀបរាប់ថា ប៉ុន្មានឆ្នាំនេះ ក្រុមហ៊ុនអន្តរជាតិយូណានមានកិច្ចសហប្រតិបត្តិការជាមួយប្រទេសតំបន់ទន្លេមេគង្គ បានបង្កើតមិត្តភាពនិងទំនុកចិត្តទៅវិញទៅមកជាមួយក្រុមហ៊ុនអគ្គិសនីនៅប្រទេសជិតខាង ។ ដោយទទួលការពឹងពាក់ពីក្រុមហ៊ុន China Southern Power Grid Company ក្រុមហ៊ុនអន្តរជាតិយូណានបានអនុវត្តផែនការបណ្តុះបណ្តាលសិស្សបន្តការសិក្សានៅប្រទេសចិន ដើម្បីអប់រំ”ធនធានមនុស្សដែលមិនអាចនាំចេញបាន” ។
នៅឆ្នាំ២០២១ ក្រុមហ៊ុនអន្តរជាតិយូណានបានជ្រើសរើសនិស្សិតឡាវចំនួន ៣៨ នាក់មកប្រទេសចិនសិក្សាបច្ចេកវិទ្យាថាមពលនិងវេជ្ជសាស្រ្ត ។ នៅឆ្នាំ ២០១៧ និស្សិតទាំងនោះបានបញ្ចប់ការសិក្សា ពួកគេបានចូលរួមចំណែកក្នុងការអភិវឌ្ឍសេវាសាធារណៈរបស់ប្រទេសឡាវ ។
នៅឆ្នាំ២០១៦ ក្រុមហ៊ុនអន្តរជាតិយូណានបានពង្រីកចំនួននិសិ្សតបន្តការសិក្សា ចាប់ផ្តើមអនុវត្តផែនការបណ្តុះបណ្តាលនិសិ្សតបន្តការសិក្សានៅប្រទេសចិន ។
គិតមកដល់សព្វថ្ងៃ មាននិសិ្សតបន្តការសិក្សានៅប្រទេសចិនចំនួនជាង ១០០ នាក់ដែលមកពីប្រទេសវៀតណាម ឡាវ មីយ៉ាន់ម៉ា ថៃ និងកម្ពុជាកំពុងសិក្សាមុខវិជ្ជាពាក់ព័ន្ធនឹងអគ្គិសនីនៅសាកលវិទ្យាល័យវិទ្យាសាស្ត្រនិងបច្ចេកវិទ្យាគុនមីញ ។
អ្នកបកប្រែ៖刘蓉