កាលពីថ្ងៃទី ២០ ខែមេសា សកម្មភាពទិវាភាសាចិននៃអង្គការសហប្រជាជាតិឆ្នាំ ២០២១ ព្រមទាំងការប្រកួតវណ្ណកម្មរូបភាពនៅឯនាយសមុទ្រលើកដំបូងនៃអគ្គស្ថានីយវិទ្យុនិងទូរទស្សន៍បានប្រារព្ធធ្វើដោយជោគជ័យនៅទីក្រុងហ្សឺណែវ ។ លោកឯកអគ្គរដ្ឋទូត Chen Xu តំណាងអចិន្ត្រៃយ៍នៃប្រទេសចិនប្រចាំនៅទីស្នាក់ការអង្គការសហប្រជាជាតិនៅក្រុងហ្សឺណេវនិងអង្គការអន្តរជាតិដទៃទៀតប្រចាំនៅប្រទេសស្វ៊ីស លោកស្រី Tatiana Valovaya អគ្គនាយកទីស្នាក់ការអង្គការសហប្រជាជាតិប្រចាំនៅក្រុងហ្សឺណេវនិងលោក Shen Haixiong អនុរដ្ឋមន្ត្រីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនិស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានអញ្ជើញចូលរួមសកម្មភាពតាមអនឡាញព្រមទាំងថែ្លងសុន្ទរកថា ។
លោក Shen Haixiong បានថែ្លងថា អ្នកចូលរួមការប្រកួតបានប្រើភាសាតែមួយដើម្បីឱ្យពិភពលោកស្តាប់ឮសំឡេងខុសៗគ្នា ដោយឡែក"សំឡេងច្រើនប្រភេទ តែពិភពលោកមួយ" វាគឺជាគោលបំណងនៃវប្បធម៌ពិពិធកម្មដែលអង្គការសហប្រជាជាតិបាននិងកំពុងស្វែងរក ។
ការប្រកួតវណ្ណកម្មរូបភាពនៅឯនាយសមុទ្រលើកដំបូងនៃអគ្គស្ថានីយវិទ្យុនិងទូរទស្សន៍មជ្ឈិមចិនជាសកម្មភាពសំខាន់មួយនៃទិវាភាសាចិននៃអង្គការសហប្រជាជាតិ ។ ចាប់ពីថ្ងៃទី ១៨ ខែមីនាដល់ថ្ងៃទី ១៥ ខែមេសា ឆ្នាំនេះ សកម្មភាពនេះបានប្រមូលស្នាដៃរូបភាពជាភាសាចិនពីជនបរទេសនៅឯនាយសមុទ្រ ហើយទទួលបានស្នាដៃជាវីដេអូឃ្លីប សរុបប្រមាណ ៣៤០ មកពី ២៧ ប្រទេស ។ បញ្ជីឈ្មោះនិងស្នាដៃជយលាភីនៃការប្រកួតលើកនេះត្រូវបានប្រកាសជាផ្លូវការនាថ្ងៃដដែលនោះ ៕