ថ្ងៃទី២១ខែមេសា កិច្ចប្រជុំប្រចាំឆ្នាំ២០២១នៃវេទិកាបូអៅសម្រាប់អាស៊ីបានបិទបញ្ចប់។ ក្នុងសន្និសីទសារព័ត៌មានដែលធ្វើឡើងនារសៀលថ្ងៃដដែល អ្នកទទួលខុសត្រូវពាក់ព័ន្ធបានថ្លែងថា ភាគីនានាបានកោតសរសើរខ្ពស់ចំពោះគំនិតផ្តួចផ្តើម"ខ្សែក្រវាត់និងផ្លូវ”ដែលបានដើរតួនាទីយ៉ាងសកម្មចំពោះការងើបឡើងវិញនៃសេដ្ឋកិច្ចសកល ព្រមទាំងអំពាវនាវឱ្យបង្កើនការប្រាស្រ័យទាក់ទងនិងកិច្ចសហការពហុភាគីនិយម។
ក្នុងសន្និសីទសារព័ត៌មាននាថ្ងៃដដែល លោកLiBaodongអគ្គលេខាធិការនៃវេទិកាបូអៅសម្រាប់អាស៊ីបានថ្លែងថា ថ្នាក់ដឹកនាំនៃបណ្តាប្រទេសនានានិងតំណាងមកពីមជ្ឈដ្ឋាននយោបាយ ពាណិជ្ជកម្មនិងសិក្សាស្រាវជ្រាវបានបញ្ចេញមតិយោបល់ដ៏សំខាន់ជុំវិញប្រធានបទនៃកិច្ចប្រជុំប្រចាំឆ្នាំ ដែលមិនត្រឹមតែបានប្រមូលផ្តុំនូវគំនិតឯកភាពរួមស្តីពីការពួតដៃគ្នាប្រយុទ្ធប្រឆាំងនិងជំងឺឆ្លងនិងបង្កើនអភិបាលកិច្ចជាសកល ក៏ដូចជាបានបញ្ចេញសំឡេងគាំពារពហុភាគីនិយមនិងបង្កើនការប្រាស្រ័យទាក់ទងនិងកិច្ចសហការប៉ុណ្ណោះទេ ថែមទាំងក៏បានពិគ្រោះពិភាក្សាអំពីទិសដៅនៃការស្តារសេដ្ឋកិច្ចឡើងវិញនិងជំរុញការអភិវឌ្ឍជាមួយគ្នាទៀតផង។នៅក្រោមការគាំទ្រយ៉ាងពេញទំហឹងនិងការចូលរួមយ៉ាងសកម្មពីសំណាក់ភាគីនានា វេទិកាបូអៅសម្រាប់អាស៊ីនឹងបន្តដើរតួនាទីជាវេទិកាមួយសម្រាប់ការបញ្ចេញសំឡេងរបស់អាស៊ី៕