រសៀលថ្ងៃទី២៥ ខែមេសា លោកស៊ីជីនភីងប្រធានរដ្ឋចិនដែលកំពុងចុះត្រួតពិនិត្យការងារនៅខេត្តក្វាងស៊ី បានអញ្ជើញទៅដល់កំពងផែYangdiនៃទន្លេLijiangស្ថិតនៅស្រុកYangshu ដើម្បីស្តាប់របាយការណ៍អំពីស្ថានការណ៍អភិបាលកិច្ចចម្រុះនិងការងារអភិរក្សអេកូឡូស៊ីតាមទន្លេLijiang។មន្ត្រីទទួលខុសត្រូវក្នុងតំបន់បានជម្រាបលោកស៊ីជីនភីងថា ប៉ុន្មានឆ្នាំចុងក្រោយនេះ ក្រុងGuilinបានជំរុញដោយពេញទំហឹងនូវការងារអភិបាលកិច្ចចម្រុះតាមទន្លេLijiang ដូចជា ការបោះសម្អាតទាំងស្រុងនិងគ្រប់គ្រងការជីកយកថ្មនិងយកខ្សាច់ដោយខុសច្បាប់ជាដើម។លោកស៊ីជីនភីងបានចង្អុលបង្ហាញថា អ្វីដែលអាក្រក់បំផុតគឺការជីកយកថ្ម។ប្រសិនបើយើងបំផ្លិចបំផ្លាញភ្នំមួយនោះ យើងនឹងបាត់បង់ភ្នំបែបនេះជារៀងរហូត។ទូទាំងប្រទេសចិននិងទូទាំងពិភពលោកមានភ្នំបែបនេះតែមួយទេ ដូច្នេះមិនត្រូវបំផ្លិចបំផ្លាញជាដាច់ខាត។ការជីកយកថ្មនិងបូមខ្សាច់ដោយខុសច្បាប់ មិនត្រឹមតែត្រូវដេញដោលរកទំនួលខុសត្រូវប៉ុណ្ណោះទេ ក៏ត្រូវទទួលខុសត្រូវព្រហ្មទណ្ឌតាមផ្លូវច្បាប់ផងដែរ៕