ថ្ងៃទី១២ខែឧសភា តាមម៉ោងក្នុងតំបន់ អ្នកនាំពាក្យនៃគណៈប្រតិភូចិនប្រចាំជាអចិន្ត្រៃយ៍នៅអង្គការសហប្រជាជាតិបានថ្កោលទោសយ៉ាងខ្លាំងក្លានិងប្រឆាំងយ៉ាងដាច់ខាតចំពោះការបើកធ្វើកិច្ចប្រជុំដែលហៅថាសភាពការណ៍សិទ្ធិមនុស្សនៅស៊ីនជាំងដែលរៀបចំឡើងដោយអាមេរិក អង់គ្លេស អាល្លឺម៉ង់ ប្រទេសនិងអង្គការក្រៅរដ្ឋាភិបាលមួយចំនួនតូច។
អ្នកនាំពាក្យរូបនេះបានបង្ហាញថា កិច្ចប្រជុំលើកនេះពោរពេញទៅដោយពាក្យកុហកនិងព័ត៌មានក្លែងក្លាយ គឺជាការសម្តែងឆាកល្ខោនដ៏អាក្រក់មួយលើកទៀតរបស់ប្រទេសមួយចំនួនតូចដូចជាអាមេរិកជាដើម វាបានលាតត្រដាងថែមមួយកម្រិតទៀតនូវឧបាយកលនយោបាយរបស់ពួកគេដែលប៉ុនប៉ងទប់ស្កាត់ការអភិវឌ្ឍរបស់ប្រទេសចិនតាមរយៈការយកស៊ីនជាំងធ្វើជាលេសនិងបង្កភាពវឹកវរនៅប្រទេសចិន កិច្ចប្រជុំលើកនេះបានត្រូវរដ្ឋសមាជិកជាច្រើននៃអង្គការសហប្រជាជាតិធ្វើពហិការ វាគឺជារឿងកំប្លែងខាងនយោបាយទាំងស្រុង៕