នៅពេលមុនទិវាជួយជនពិការទូទាំងប្រទេសចិនលើកទី៣១ គណៈកម្មាធិការត្រៀមរៀបចំការប្រកួតកីឡាអូឡាំពិករដូវរងាក្រុងប៉េកាំងបានរៀបចំធ្វើសកម្មភាពអំពីទិវាជួយជនពិការទូទាំងប្រទេសចិនឆ្នាំ២០២១នៅក្រុងប៉េកាំង ។
លោក Zhou Changkui អនុប្រធានគណៈកម្មាធិការត្រៀមរៀបចំការប្រកួតកីឡាអូឡាំពិករដូវរងាក្រុងប៉េកាំងបានថ្លែងសុន្ទរកថាថា ការផ្សព្វផ្សាយស្មារតីនៃការប្រកួតកីឡាអូឡាំពិកជនពិការ ជំរុញការអភិវឌ្ឍប្រកបដោយភាពស៊ីសង្វាក់គ្នារបស់ជនពិការ និងជំរុញការបង្កើតសង្គមប្រកបដោយភាពបរិយាប័ន្ន គឺជាគោលបំណងសំខាន់នៃការរៀបចំធ្វើការប្រកួតកីឡាអូឡាំពិកជនពិការរដូវរងា ។ គណៈកម្មាធិការត្រៀមរៀបចំការប្រកួតកីឡាអូឡាំពិករដូវរងាក្រុងប៉េកាំងបានធ្វើការងារជាច្រើនក្នុងវិស័យផ្សព្វផ្សាយស្មារតីនៃការប្រកួតកីឡាអូឡាំពិកជនពិការ ដែលនឹងដើរតួនាទីដ៏សំខាន់ក្នុងការលើកកម្ពស់មនសិការជួយឧបត្ថម្ភជនពិការនៃសង្គមទាំងមូលនិងជំរុញឱ្យមានសុក្រឹតភាពនូវវិធានការអនុគ្រោះដល់ជនពិការ ។
លោកស្រី Yangyang ប្រធានគណៈកម្មាធិការកីឡាករនៃការប្រកួតកីឡាអូឡាំពិករដូវរងានិងការប្រកួតកីឡាអូឡាំពិកជនពិការរដូវរងាក្រុងប៉េកាំងបានអំពាវនាវឱ្យអ្នកទាំងអស់គ្នាពួតដៃគ្នា ដើម្បីលុបចោលការរើសអើងនិងគំនិតលំអៀង ក្នុងន័យផ្តល់ការយកចិត្តទុកដាក់កាន់តែច្រើនដល់ជនពិការ ។