ជុំវិញរឿងដែលអាមេរិកបានរារាំងជាលើកទី៣មិនឱ្យក្រុមប្រឹក្សាសន្តិសុខនៃអង្គការសហប្រជាជាតិអនុម័តសេចក្តីថ្លែងការណ៍រួមស្តីពីការអំពាវនាវឱ្យប៉ាឡេស្ទីននិងអ៊ីស្រាអែលឈប់បាញ់គ្នានិងបញ្ចប់អំពើហិង្សាដើម្បីការពារជនស៊ីវិល ថែមទាំងយល់ព្រមលក់គ្រាប់មីស៊ីលបាញ់ត្រង់ចំគោលដៅឱ្យអ៊ីស្រាអែល ក្នុងតម្លៃ 735 លានដុល្លាអាមេរិកផងនោះ លោក Zhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថ្ងៃទី១៨ ខែឧសភា ថា អាមេរិកមិនដែលបានដើរតួនាទីវិជ្ជមានអ្វីក្នុងការទប់ស្កាត់ការប៉ះទង្គិចគ្នារវាងប៉ាឡេស្ទីននិងអ៊ីស្រាអែលនោះទេ បែរជាញុះញង់ឱ្យបង្កើនភាពតានតឹងថែមទៀតផង។ អាមេរិកបានធ្លាក់ចូលភាពឯកោពុំធ្លាប់មាននៅក្រុមប្រឹក្សាសន្តិសុខ ហើយកំពុងឈរនៅម្ខាងនៃការបដិបក្ខជាមួយសតិសម្បជញ្ញៈ និងគុណធម៌របស់មនុស្សជាតិ។ សហគមន៍អន្តរជាតិសុទ្ធតែអស់សង្ឃឹមខ្លាំងពេលបានឃើញទង្វើនិងអាកប្បកិរិយារបស់អាមេរិក ដែលបង្ហាញក្នុងការប៉ះទង្គិចរវាងប៉ាឡេស្ទីននិងអ៊ីស្រែអែល។ អ្នកផងទាំងពួងចង់សួរថា នេះហើយឬគឺជាសិទ្ធិមនុស្សនិងគុណតម្លៃការទូតបែបបទអាមេរិក ដែលរដ្ឋាភិបាលអាមេរិកតែងអួតអាងជាប់រហូតនោះ? អាមេរិកតែងនិយាយពីការការពារសិទ្ធិមនុស្សរបស់ជនអ៊ីស្លាម ចុះហេតុអ្វីមិនដែលអើពើពីសិទ្ធិមនុស្សរបស់ប្រជាជនប៉ាឡេស្ទីន ?