ទៅទស្សនាភូមិវ៉ានយោរបស់ប្រទេសចិនដើម្បីមើលតើក្នុង”វ៉ាន”(ចាន)មានអ្វីខ្លះ ?

　　នាថ្ងៃទី ២០ ខែឧសភា ឆ្នាំ ២០២១  អ្នកសារព័ត៌មានបរទេសប្រចាំប្រទេសចិនបានមកដល់ភូមិវ៉ានយោ ស្រុកហ្វានីង ក្រុងយូស៊ី ខេត្តយូណាន ។ នៅថ្ងៃនោះ លោក លៀវ នៀនតៅបានផលិតគ្រឿងស្មូនថ្មីចំនួនមួយ ។ គ្រឿងស្មូននេះ​មាន​ឧបករណ៍ឆុងតែ និងដបគ្រឿងស្មូន ដែលមានពណ៌ស ខៀវ បៃតង លឿនជាដើម ដែលបានទាក់ទាញ​អ្នក​សារព័ត៌មានយ៉ាងខ្លាំង ។

　　អ្នកសារព័ត៌មានបានទទួលដំណឹងថា គ្រឿងស្មូនរបស់ស្រុកហ្វានីងមានប្រវត្តិសាស្ត្រជាង ៦០០ ឆ្នាំហើយ វាមាន​រូបរាង​ច្រើនបែបយ៉ាង គុណភាពល្អ ចម្លាក់ល្អិតល្អន់ ដែលធ្វើឱ្យគេគ្រប់គ្នាពេញចិត្តនឹងភាពស្រស់ស្អាតរបស់វា។ ភូមិវ៉ានយោ ជាប្រភពនៃ​គ្រឿងស្មូនស្រុកហ្វានីង ។ នៅភូមិវ៉ានយោ  អ្នកសារព័ត៌មានបានស្វែងយល់ពីវប្បធម៌​ធ្វើ​គ្រឿងស្មូន នៅសារមន្ទីរ​សិល្បៈ​អនឡាញគ្រឿងស្មូនរបស់ស្រុកហ្វានីង អ្នកសារព័ត៌មានបានចាប់អារម្មណ៍ពីបច្ចេកវិទ្យាថ្មី AR ។

　　នៅពេលដំបូងបំផុត គ្រឿងស្មូនរបស់ស្រុកហ្វានីងភាគច្រើនជាឧបករណ៍ប្រើប្រាស់ក្នុងផ្ទះ ក្នុងចំណោមនេះ គឺចាន​ច្រើន​ជាងគេ ក៏ជាប្រភពរបស់ឈ្មោះភូមិវ៉ាន(ចាន)យោ ។ ក្នុងដំណើរការទស្សនា  អ្នកសារព័ត៌មានរកឃើញ ក្នុង “ចាន” របស់ភូមិវ៉ាន(ចាន)មិនគ្រាន់តែមានវប្បធម៌គ្រឿងស្មូនប៉ុណ្ណោះទេ ថែមទាំងមានការរស់នៅ​ល្អប្រសើររបស់​អ្នកភូមិផងដែរ ។

　　លោកស្រី Chun Yan និង Mu Qier​ អ្នកសារព័ត៌មានរបស់ Solongo Magazine បានរៀបរាប់ថា “លើកនេះជាលើក​ទីមួយ​ដែលខ្ញុំមកសម្ភាសន៍ក្នុងភូមិដូច្នេះ ពីមុន ខ្ញុំមិនសូវស្វែងយល់ពីគ្រឿងស្មូនទេ ប៉ុន្តែ ក្នុងការសម្ភាសន៍ថ្ងៃនេះ ខ្ញុំបាន​ស្វែងយល់ពីបច្ចេកវិទ្យានិងដំណើរការធ្វើគ្រឿងស្មូន លក្ខណៈពិសេសរបស់គ្រឿងស្មូន និងចំណេះដឹងអំពី​ការ​រួមផ្សំ​ច្នៃប្រ​ឌិតគ្រឿងស្មូន និងវប្បធម៌ជាដើម ។” លោកស្រី Chun Yan និង Mu Qier បានទិញគ្រឿងស្មូនជា​ច្រើន​ដើម្បី​បង្ហាញពីការចូលចិត្តពីគ្រឿងស្មូនរបស់ស្រុកហ្វានីង ។

　　អ្នកបកប្រែ៖刘蓉