លោកស៊ីជីនភីង ប្រធានរដ្ឋចិនតែងតែយកចិត្តទុកដាក់ចំពោះអនាគតរបស់កុមារ។លោកតែងតែសម្តែងការអបអរសាទរជាពិសេសដល់កុមារទូទាំងប្រទេសចិនក្នុងឱកាសទិវាកុមារអន្តរជាតិ១ មិថុនា ។លោកតែងតែទៅជួបជាមួយកុមារនិងយុវជន ដើម្បីបង្ហាញពីការសួរសុខទុក្ខ និងការយកចិត្តទុកដាក់ ត្រូវបានកុមារចិនហៅយ៉ាងស្និទ្ធស្នាលថា “លោកតាស៊ី”។
លោកស៊ីជីនភីងកើតនៅក្នុងគ្រួសារអ្នកបដិវត្តន៍ ការអប់រំក្នុងផ្ទះតឹងរឹង ជីវភាពនៅកុមារភាពរបស់លោកគឺសាមញ្ញណាស់។កាលពីឆ្នាំ២០០៣ ពេលផ្តល់បទសម្ភាសន៍ជាមួយទូរទស្សន៍មជ្ឈិមចិន លោកបានរំលឹកថា កាលនោះខោអាវដែលយើងស្លៀកពាក់ជាទូទៅមានបំណះជាច្រើន ហើយត្រូវស្លៀកពាក់ខោអាវតពីបងប្រុសស្រី។ លោកស៊ីជីនភីងមានបងប្អូន៦នាក់ ដូច្នេះពេលនៅតូចជាទូទៅគាត់ត្រូវស្លៀកខោអាវរបស់បងស្រី ។លោកបាននិយាយថា ខោអាវនិងស្បែកជើងដែលមានផ្កា ខ្ញុំមិនចង់ពាក់ជាដាច់ខាត ក៏ប៉ុន្តែ ត្រូវតែពាក់។
បំណងប្រាថ្នា
ពេលនៅជាមួយកុមារស្នាមញញឹមតែងបង្ហាញលើផ្ទៃមុខរបស់លោកស៊ីជីនភីងជានិច្ច។កាលពីថ្ងៃទី២៩ ខែឧសភាឆ្នាំ២០១៣ ទីក្រុងប៉េកាំងបានធ្វើសកម្មភាពក្រោមប្រធានបទ«កុមារភាពដ៏សប្បាយរីករាយ» ។ថ្ងៃនោះ កុមារនិងយុវជនមកពីជនបទមួយចំនួនបានរៀបរាប់ពីប្រាថ្នារបស់ខ្លួនចំពោះលោក។ លោកស៊ីជីនភីងបានតបថា ប្រាថ្នារបស់ខ្ញុំគឺចង់ឱ្យប្រាថ្នារបស់កូនក្មួយទាំងអស់បានសម្រេច។ ឆ្លៀតឱកាសនោះលោកក៏ជូនពរកុមារាកុមារីគ្រប់ជនជាតិទូទាំងប្រទេស ឱ្យរីករាយទិវាកុមារអន្តរជាតិ ១ មិថុនា ។ សង្ឃឹមថាកុមារទាំងឡាយអាចរកឃើញបំណងប្រាថ្នានៃជីវិត សម្រេចប្រាថ្នារបស់ខ្លួន ស្រឡាញ់ការសិក្សា ស្រឡាញ់ពលកម្ម ស្រឡាញ់មាតុប្រទេស។
ស្និទ្ធស្នាល
ក្នុងចិត្តរបស់កុមារចិន លោកស៊ីជីនជីនជាឥស្សរជនដែលចេះដឹងច្រើនផង ហើយក៏ជាលោកតាដ៏ស្និទ្ធស្នាលគ្នាគួរឱ្យស្រឡាញ់រាប់អានផង។ កាលពីថ្ងៃទី២១ ខែឧសភា ឆ្នាំ២០១៣ លោកស៊ីជីនភីងបានទៅសួរសុខទុក្ខប្រជាជនរងគ្រោះរញ្ជួយដីនៃក្រុងឡូសាន ខេត្តសឺឈួន។
ប្រាស្រ័យទាក់ទង
ថ្ងៃទី៣០ ខែឧសភា ឆ្នាំ២០១៤ នៅសាលាបឋមសិក្សាជនជាតិនៃខណ្ឌហៃទីនក្រុងប៉េកាំង លោក ស៊ី ជីនភីង បានជួបសំណេះសំណាលជាមួយសិស្សានុសិស្សហើយបានរៀបរាប់ពីរឿងរ៉ាវកុមារភាពរបស់ខ្លួនពេលបានចូលរួមក្រុមកុមារឈានមុខ ថា៖ “ខ្ញុំចាំច្បាស់ថាកាលនោះរំភើបខ្លាំងណាស់ ។ ខ្ញុំបានចូលរៀននៅឆ្នាំ១៩៥៩ បានចូលក្រុមកុមារឈានមុខនៅឆ្នាំ១៩៦០ កាលនោះដោយសារមានអាយុក្មេងជាងគេ មិនបានត្រូវជ្រើសរើសជាសមាជិកក្រុមទីមួយទេ ខ្ញុំយំតែម្តង។” សិស្សទាំងឡាយបានសើចពេលស្តាប់ដល់ត្រឹមហ្នឹង ។ ក្នុងបរិយាកាសដ៏សប្បាយរីករាយ លោកស៊ីជីនភីងក៏បានបង្ហាញពីក្តីរំពឹងទុករបស់ខ្លួនចំពោះកុមារទាំងឡាយថា៖ តាំងពីបុរាណមក វីរជនគឺចាប់ផ្តើមបណ្តុះបណ្តាលពីវ័យក្មេង។កូនក្មួយទាំងឡាយត្រូវមានឧត្តមគតិធំ ខំសាងចិត្តគំនិតឱ្យបានល្អ។
ស្រឡាញ់និងយកចិត្តទុកដាក់
កុមារទាំងអស់លូតលាស់កាន់តែល្អ គឺជាបំណងប្រាថ្នាដ៏ធំបំផុតរបស់យើង។
លើកទឹកចិត្ត
លោកស៊ីជីនភីងសង្ឃឹមថាកុមារទាំងឡាយអាចផ្តល់តម្លៃដល់ឱកាស ដើម្បីទៅសម្រេចសុបិនយ៉ាងក្លាហាន។ កាលពីថ្ងៃទី២៤ខែកុម្ភៈ ឆ្នាំ២០១៧ នៅកីឡដ្ឋានវូឃឹសុងក្រុងប៉េកាំង លោកបានប៉ះស្មាជាមួយសិស្សថ្នាក់ទី៤តាមរបៀបពិសេសរបស់អ្នកលេងកីឡាhockey ទឹកកក ។បន្តមកលោកបានរំលឹកពីរឿងរ៉ាវកុមារភាពរបស់ខ្លួនអំពីការលេងស្គីលើទឹកកកនៅបឹងសឺឆាហៃនៅរដូវរងា។
លោកស៊ីជីនភីងបានផ្តាំផ្ញើកុមារចិនថា៖
ឧត្តមគតិជាសញ្ញាធ្វើដំណើរក្នុងឆាកជីវិតរបស់មនុស្ស។ មនុស្សម្នាក់បើចង់បង្កើតសមិទ្ធផលរបស់ខ្លួន ត្រូវមានឧត្តមគតិរបស់ខ្លួន។មនុស្សម្នាក់អាចមានឧត្តមគតិជាច្រើន ប៉ុន្តែក្នុងនោះ អ្វីដែលសំខាន់បំផុតគឺត្រូវផ្សារភ្ជាប់ជាមួយមាតុប្រទេសនិងប្រជាជន៕