ដើម្បីដោះស្រាយបញ្ហាចាស់ជរារបស់ប្រជាជនចិន ប្រទេសចិនបានអនុវត្តគោលនយោបាយសំខាន់ៗ ។ នៅថ្ងៃទី ៣១ ខែឧសភា ការិយាល័យនយោបាយមជ្ឈមណ្ឌលគណបក្សកុម្មុយនីស្តចិនបានរៀបចំកិច្ចប្រជុំ ក្នុងកិច្ចប្រជុំនេះបានបញ្ជាក់ថា ដើម្បីធ្វើឱ្យគោលនយោបាយបង្កើតកូនមានប្រសិទ្ធិភាព ប្រទេសចិននឹងអនុវត្តគោលនយោបាយនិងវិធានការស្តីពីប្តីប្រពន្ធអាចមានកូន ៣ នាក់ ដែលនឹងកែលម្អរចនាសម្ព័ន្ធប្រជាជនរបស់ប្រទេសចិន អនុវត្តយុទ្ធសាស្រ្តដោះស្រាយភាពចាស់ជរារបស់ប្រជាជនចិន និងរក្សាធនធានមនុស្សរបស់ប្រទេសចិន ។
ទោះបីជាគោលនយោបាយប្តីប្រពន្ធអាចមានកូន ៣ នាក់របស់ចិនបានត្រូវផ្សព្វផ្សាយ ប៉ុន្តែឆន្ទៈនៃការបង្កើតកូននៅតែថយចុះ ។ អ្នកទទួលខុសត្រូវនៃគណៈកម្មការសុខាភិបាលនិងសុខភាពបានបញ្ជាក់ថា សព្វថ្ងៃ ប្រជាជនដែលកើត នៅទសវត្សឆ្នាំ ១៩៩០ ដល់ឆ្នាំ ១៩៩៩ មានបំណងចង់មានកូនគឺ កូន ១.៦៦ នាក់ ថយចុះ ១០% បើធៀបនឹងប្រជាជនដែលកើតទសវត្សឆ្នាំ១៩៨០ ដល់ឆ្នាំ ១៩៨៩ ។ តាមទិន្នន័យរបស់ប្រជាជនចិននិងគ្រួសារឆ្នាំ២០១៩ បានបង្ហាញថា ស្រ្តីដែលមានបំណងចង់មានកូនពីរនាក់មាន ៥០% ដែលសម្រេចបំណងបង្កើតកូនពីរនាក់ ។ គោលនយោបាយសេដ្ឋកិច្ចដែលពាក់ព័ន្ធនឹងការអប់រំ លំនៅដ្ឋាន និងការងារជាដើម បានក្លាយជាគន្លឹះនៃការសម្រេចចិត្តមានកូនរបស់គ្រួសារ។ ក្រោយពីប្រទេសចិនអនុវត្តគោលនយោបាយប្តីប្រពន្ធអាចមានកូន ២ នាក់ មានគ្រួសារច្រើនមិនហ៊ានមានកូនទេ មូលហេតុសំខាន់ទាំង ៣ គឺបន្ទុកសេដ្ឋកិច្ចធ្ងន់ គ្មានអ្នកជួយថែរក្សាទារកនិងកុមារតូចៗ ព្រមទាំងការលំបាករបស់ស្ត្រីក្នុងការរក្សាតុល្យភាពរវាងគ្រួសារនិងការងារ។
អ្នកបកប្រែ៖刘蓉