យុទ្ធនាការចាក់វ៉ាក់សាំងរបស់ចិនទទួលបានការវិវឌ្ឍយ៉ាងឆាប់រហ័ស គិតរហូតដល់ថ្ងៃទី២៨ខែឧសភា ការចាក់វ៉ាក់សាំងជំងឺកូវីដ១៩របស់ចិនសរុបលើសពី៦រយលានដូស។ កាសែត«The Wall Street»អាមេរិកបានចុះផ្សាយអត្ថបទថា ប្រសិនបើប្រទេសចិនអាចរក្សាល្បឿនបែបនេះ នោះ នឹងមានលទ្ធភាពកែប្រែការរំពឹងទុករបស់មនុស្សយើងចំពោះល្បឿនស្តារឡើងវិញនៃទីផ្សារងើបឡើងថ្មីនៃទ្វីបអាស៊ីរហូតដល់ពិភពលោកទាំងមូលផងដែរ។
អត្ថបទនេះបានបង្ហាញថា នៅប្រទេសថៃ ទេសចរចិនប្រហែលត្រូវជា១ភាគ៤នៃចំនួនទេសចរសរុប រីឯមុខរបរទេសចរណ៍ចូលដែនមានទំហំលើសពី១០ភាគរយនៃGDPរបស់ប្រទេសថៃ។
ទិន្នន័យមានស្រាប់បានបញ្ជាក់ហើយថា វ៉ាក់សាំងស៊ីណូហ្វាមនិងស៊ីណូវ៉ាក់របស់ចិនគឺមានប្រសិទ្ធភាព។ តាមការផ្សាយដំណឹងឱ្យដឹងថា របាយការណ៍នៃក្រសួងសុខាភិបាលស៊ីលីបានលើកឡើងថា អត្រាប្រសិទ្ធភាពរបស់វ៉ាក់សាំងស៊ីណូវ៉ាក់ចិនក្នុងការបង្ការការឆ្លងជំងឺកូវីដ១៩ដែលមានរោគសញ្ញាគឺ៦៥.៣% ហើយអត្រាប្រសិទ្ធភាពក្នុងការបង្ការករណីស្លាប់គឺ៨៦%។
ការផ្សាយដំណឹងឱ្យដឹងទៀតថា នេះគឺជាដំណឹងល្អ ពីព្រោះសមត្ថភាពផលិតវ៉ាក់សាំងរបស់ក្រុមហ៊ុនចិនទាំងពីរនេះ វាពាក់ព័ន្ធដល់ល្បឿនលឿនបំផុតដែលមានលទ្ធភាពសម្រេចបាននៃយុទ្ធនាការចាក់វ៉ាក់សាំងជាសកល ជាពិសេសគឺនិយាយចំពោះប្រទេសកំពុងអភិវឌ្ឍន៍ ៕