ថ្ងៃទី ៧ ខែ មិថុនា លោក Jake Sullivan ជំនួយការទទួលបន្ទុកកិច្ចការសន្តិសុខជាតិប្រធានាធិបតីអាមេរិកបានថ្លែងថា សហរដ្ឋអាមេរិកមិនរំពឹងទុកកិច្ចជំនួបរវាងអ្នកដឹកនាំអាមេរិកនិងរុស្ស៊ីដែលនឹងរៀបចំនៅក្រុងហ្សឺណែវប្រទេសស្វីសអាចទទួលបានសមិទ្ធផលគួរឱ្យកត់សម្គាល់នោះទេ ។
លោក Jake Sullivan បានថ្លែងថា អាមេរិកនិងរុស្ស៊ីមិនមែនជាទំនាក់ទំនងទំនុកចិត្តលើគ្នានោះទេ ។ ភាគីអាមេរិកនឹងបញ្ជាក់ពីការរំពឹងទុកចំពោះទំនាក់ទំនងរវាងភាគីទាំងពីរឱ្យភាគីរុស្ស៊ី ហើយនឹងកំណត់ច្បាស់ថា ប្រសិនបើរុស្ស៊ីបន្តធ្វើសកម្មភាពព្យាបាទ ភាគីអាមេរិកនឹងឆ្លើយតបទៅវិញ ។
លោក Jake Sullivan បានថ្លែងទៀតថា លោក Biden ប្រធានាធិបតីអាមេរិកបានជួបពិភាក្សាតាមទូរស័ព្ទជាមួយលោក Zelensky ប្រធានាធិបតីអ៊ុយក្រែនកាលពីថ្ងៃទី ៧ ខែមិថុនា ។ លោក Biden បានថ្លែងថា ភាគីអាមេរិកនឹងគាំទ្រយ៉ាងមុតមាំនូវអធិបតេយ្យភាពនិងបូរណភាពទឹកដីរបស់ប្រទេសអ៊ុយក្រែន ហើយអញ្ជើញលោក Zelensky បំពេញទស្សនកិច្ចនៅសហេរដ្ឋអាមេរិកនៅរដូវក្តៅឆ្នាំនេះ ៕