ថ្ងៃទី១០ ខែមិថុនា កិច្ចប្រជុំលើកទី២៩ នៃគណៈកម្មាធិការអចិន្ត្រៃយ៍សភាតំណាងប្រជាជនទូទាំងប្រទេសចិននីតិកាលទី ១៣ បានបោះឆ្នោតអនុម័តច្បាប់កំពង់ផែពាណិជ្ជកម្មសេរី Hainan ដោយសំឡេងគាំត្រទាំងអស់ ច្បាប់នេះនឹងចូលជាធរមានចាប់ពីថ្ងៃប្រកាសជាផ្លូវការតទៅ។
ពេលផ្តល់បទសម្ភាសន៍ អ្នកទទួលខុសត្រូវមានពាក់ព័ន្ធបានបញ្ជាក់ថា ការដាក់តែងច្បាប់កំពង់ផែពាណិជ្ជកម្មសេរី Hainan គឺដើម្បីផ្តល់មូលដ្ឋានច្បាប់ថ្នាក់ជាតិដល់ការកសាងកំពង់ផែពាណិជ្ជកម្មសេរីHainan ដើម្បីធ្វើការច្នៃប្រឌិតថ្មីរបប និងកំណែទម្រង់ជាប្រព័ន្ធ ដែលបានបង្ហាញនូវការប្តេជ្ញាចិត្តរបស់ចិនក្នុងការបើកទូលាយចំពោះក្រៅប្រទេស និងការជំរុញសកលភាវូបនីយកម្មសេដ្ឋកិច្ច។
សូមបញ្ជាក់ថា ច្បាប់កំពង់ផែពាណិជ្ជកម្មសេរីHainan ចែកជា ៨ ជំពូក សរុប ៥៧ មាត្រា នឹងផ្តល់ការធានាផ្នែកច្បាប់ដល់វិស័យជាច្រើនដូចជា សេរីភាពនិងភាពងាយស្រួលនៃការធ្វើពាណិជ្ជកម្ម សេរីភាពនិងភាពងាយស្រួលនៃការបណ្តាក់ទុន របបពន្ធអាករហិរញ្ញវត្ថុ ការការពារប្រព័ន្ធអេកូឡូស៊ី ការអភិវឌ្ឍឧស្សាហកម្មនិងការគាំទ្រផ្នែកធនធានមនុស្សជាដើម៕