កិច្ចប្រជុំលើកទី ៤៧ នៃក្រុមប្រឹក្សាសិទ្ធិមនុស្សអង្គការសហប្រជាជាតិកំពុងបើកធ្វើ។ មានប្រទេសជាច្រើនបានសម្តែងការគាំទ្រតាមរូបភាពខុសៗគ្នាចំពោះប្រទេសចិនអំពីបញ្ហាពាក់ព័ន្ធនឹងតំបន់ស៊ីនជាំង ហុងកុង និង Xizang ព្រមទាំងប្រឆាំងនឹងការជ្រៀតជ្រែកកិច្ចការផ្ទៃក្នុងរបស់ចិន។
បច្ចុប្បន្ននេះ សុន្ទរកថារួមដែលថ្លែងគាំទ្រប្រទេសចិនក្នុងកិច្ចប្រជុំនៃក្រុមប្រឹក្សាសិទ្ធិមនុស្សអង្គការសហប្រជាជាតិដែលរួមគ្នាតាក់តែងឡើងដោយប្រទេសគ្រីនណាដានិងបេឡារូសបានមានប្រទេសចំនួន ៦៦ បានចុះហត្ថលេខាគាំទ្រហើយ។
ពេលថ្លែងសុន្ទរកថាក្នុងកិច្ចប្រជុំនៃក្រុមប្រឹក្សាសិទ្ធិមនុស្ស ប្រទេសម៉ាដាកាស្កាបានកោតសរសើររដ្ឋាភិបាលចិនដែលបានខិតខំប្រឹងប្រែងដើម្បីធានាសិទ្ធិសេដ្ឋកិច្ច សង្គមកិច្ចនិងវប្បធម៌របស់ប្រជាពលរដ្ឋ ដោយគូសបញ្ជាក់ថា ពេលដោះស្រាយបញ្ហាសិទ្ធិមនុស្សត្រូវធានានូវលក្ខណៈទូទៅ សត្យានុម័តនិងលក្ខណៈមិនជ្រើសរើស លុបចោលស្តង់ដារពីរនិងការធ្វើនយោបាយភាវូបនីយកម្ម។ ប្រឆាំងនឹងការប៉ុនប៉ងណាមួយដែលធ្វើយោបាយភាវូបនីយកម្មនូវការងារក្រុមប្រឹក្សាសិទ្ធិមនុស្សក្នុងគោលបំណងនយោបាយ ដាស់តឿនប្រទេសពាក់ព័ន្ធនឹងអង្គការពហុភាគីឱ្យបង្ហាញយុពីភាពត្តិធម៌នៅពេលវាយតម្លៃអំពីសភាពការណ៍សិទ្ធិមនុស្សនៃបណ្តាប្រទេសនានា ហើយគោរពតាមគោលការណ៍មិនជ្រៀតជ្រែកកិច្ចការផ្ទៃក្នុង។
ចំណែកប្រទេសឆាដបានបង្ហាញការគាំទ្ររបបប្រទេសមួយប្រព័ន្ធគ្រប់គ្រងពីរនៅហុងកុងរបស់ប្រទេសចិន ហើយគូសបញ្ជាក់ថា ពេលដោះស្រាយបញ្ហាសិទ្ធិមនុស្សត្រូវប្រកាន់ខ្ជាប់នូវភាពយុត្តិធម៌និងគោលការណ៍មិនជ្រើសរើស គោរពអធិបតេយ្យភាពរបស់ប្រទេសនានា ក៏ដូចជាមិនជ្រៀតជ្រែកកិច្ចការផ្ទៃក្នុងប្រទេសពាក់ព័ន្ធផងដែរ៕