ថ្ងៃទី ២៩ ខែមិថុនា លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានថ្លែងថា អ្នកទទួលបាន“គ្រឿងឥស្សរិយយស ១ កក្កដា”បានបង្ហាញពីចរិយាសម្បត្តិដ៏ថ្លៃថ្នូររបស់សមាជិកបក្សកុម្មុយនិស្តចិនដែលមានជំនឿចិត្តយ៉ាងមុតមាំ អនុវត្តតាមកម្មវត្ថុបក្ស តស៊ូនិងលះបង់ខ្លួន បម្រើប្រជាជនយ៉ាងស្មោះត្រង់និងស្អាតស្អំ ។ សមាជិកបក្សកុម្មុយនិស្តចិនទាំងមូលត្រូវតម្កល់ជំនឿម៉ាក្សនិយមនិងជំនឿលើសង្គមនិយមប្រកបដោយលក្ខណៈពិសេសចិនជាការបំពេញភារកិច្ចពេញមួយជីវិតរបស់ខ្លួន ។
ក្នុងឱកាសខួប ១០០ ឆ្នាំនៃការបង្កើតបក្សកុម្មុយនិស្តចិន ពិធីប្រគល់គ្រឿងឥស្សរិយយសនៃ“គ្រឿងឥស្សរិយយស ១ កក្កដា”ដែលជាការផ្តល់កិត្តិយសខ្ពង់ខ្ពស់បំផុតដល់បុគ្គលឆ្នើមនៃបក្សកុម្មុយនិស្តចិនបានរៀបចំធ្វើនៅក្រុងប៉េកាំង ។ លោក Xi Jinping បានអញ្ជើញបំពាក់គ្រឿងឥស្សរិយយសនិងថ្លែងសន្ទរកថា ។ លោកបានលើកឡើងថា មួយរយឆ្នាំកន្លងទៅ សមាជិកបក្សកុម្មុយនិស្តចិនមួយជំនាន់ហើយមួយជំនាន់ទៀតបានរួមចំណែកក្នុងការដណ្តើមបានឯករាជ្យជាតិនិងការរំដោះប្រជាជនព្រមទាំងសម្រេចបាននូវភាពរុងរឿងរបស់ប្រទេសជាតិនិងសុភមង្គលរបស់ប្រជាជន បានបង្កើតប្រវត្តិសាស្ត្រដ៏អស្ចារ្យ ។ សមាជិកបក្សកុម្មុយនិស្តចិនគ្រប់រូបត្រូវប្រកាន់ខ្ជាប់នូវគំនិតមិនបំភ្លេចគោលបំណងដើម ៕