នៅព្រឹកថ្ងៃទី ៦ ខែកក្កដា នៅទីក្រុងប៉េកាំង គណៈកម្មាធិការកណ្តាលនៃសហព័ន្ធស្វ័យភាពប្រជាធិបតេយ្យតៃវ៉ាន់បានធ្វើកិច្ចប្រជុំសន្ទនាដើម្បីអបអរសាទរខួប ១០០ ឆ្នាំនៃការបង្កើតបក្សកុម្មុយនិស្តចិន ។ លោកស្រីSu Hui អនុប្រធានសភាប្រឹក្សានយោបាយប្រជាជនទូទាំងប្រទេសចិននិងជាប្រធានគណៈកម្មាធិការកណ្តាលនៃសហព័ន្ធស្វ័យភាពប្រជាធិបតេយ្យតៃវ៉ាន់បានអញ្ជើញចូលរួមកិច្ចប្រជុំព្រមនិងថ្លែងសុន្ទរកថា ។
លោកស្រីSu Huiបានលើកឡើងថា ក្នុងដំណើរដ៏ត្រចះត្រចង់រយៈពេល ៧៤ ឆ្នាំដែលសហព័ន្ធស្វ័យភាពប្រជាធិបតេយ្យតៃវ៉ាន់និងបក្សកុម្មុយនិស្តចិនបានរួមសាមគី្គនិងរួមសហការគ្នាធ្វើការតស៊ូ បានបន្សល់ទុកនូវបទពិសោធន៍ដ៏មានតម្លៃនិងគំនិតផ្តួចផ្តើមដ៏សំខាន់ ពោលគឺចាំបាច់ត្រូវតែប្រកាន់ខ្ជាប់នូវការដឹកនាំរបស់បក្សកុម្មុយនិស្តចិន ដើរតាមផ្លូវសង្គមនិយមដែលមានលក្ខណៈពិសេសចិនយ៉ាងមុតមាំ ចាំបាច់ត្រូវតែប្រកាន់ខ្ជាប់រហូតនូវរបបសហការគ្នានិងប្រឹក្សាកិច្ចការនយោបាយដោយពហុបក្សក្រោមការដឹកនាំរបស់បក្សកុម្មុយនិស្តចិន ចាំបាច់ត្រូវតែប្រកាន់ខ្ជាប់ការបង្ហាញនូវលក្ខណៈពិសេសនិងឧត្តមភាពពាក់ព័ន្ធនៃតំបន់តៃវ៉ាន់ ខិតខំឱ្យអស់ពីលទ្ធភាពដើម្បីជំរុញការបង្រួបបង្រួមជាតិ ចាំបាច់ត្រូវតែប្រកាន់ខ្ជាប់រហូតនូវការចូលរួមកិច្ចការនយោបាយនិងបំពេញភារកិច្ចយ៉ាងផ្ចិតផ្ចង់ ដើរតួនាទីនៃគណបក្សចូលរួមកិច្ចការនយោបាយយ៉ាងប្រាកដប្រជា ចាំបាច់ត្រូវតែប្រកាន់ខ្ជាប់រហូតនូវការបង្កើនកិច្ចកសាងសមត្ថភាពផ្ទាល់ខ្លួន ដើម្បីកសាងនូវគុណវុឌ្ឍិបក្សចូលរួមកិច្ចការនយោបាយដែលសមស្របទៅតាមតម្រូវការនៃយុគសម័យថ្មី ៕