អ្នកយកព័ត៌មានបានទទួលដំណឹងពីការិយាល័យព័ត៌មានរបស់ក្រុមប្រឹក្សាកិច្ចការរដ្ឋចិននៅថ្ងៃទី ២៩ ខែកក្កដាឱ្យដឹងថា ពិព័រណ៍ចិន-អាស៊ាននិងកិច្ចប្រជុំកំពូលធុរកិច្ចនិងវិនិយោគចិន-អាស៊ានលើកទី១៨នឹងរៀបចំធ្វើនៅទីក្រុងណាននីងខេត្តក្វាងស៊ីចាប់ពីថ្ងៃទី ១០ ដល់ថ្ងៃទី ១៣ ខែកញ្ញា ក្រោមប្រធានបទ“ ចែករំលែកនូវឱកាសថ្មីនៃច្រករបៀបពាណិជ្ជកម្មអន្តរជាតិថ្មីតាមផ្លូវគោកនិងសមុទ្រ រួមគ្នាកសាងសហគមន៍រួមវាសនាចិន-អាស៊ាន”។
ពិព័រណ៍លើកនេះនឹងបន្តធ្វើតាមទម្រង់“ ពិព័រណ៍នៅកន្លែងផ្ទាល់ បូកពិព័រណ៍តាមអនឡាញ”។
ឆ្នាំនេះគឺជាខួបអនុស្សាវរីយ៍ទី៣០នៃការបង្កើតទំនាក់ទំនងសន្ទនាចិន-អាស៊ាន។ ក្នុងរយៈពេល ៣០ ឆ្នាំកន្លងមក ទំហំពាណិជ្ជកម្មរវាងចិននិងអាស៊ានបានកើនឡើង ៨៥ ដង។ នៅឆ្នាំ ២០២០ អាស៊ានបានក្លាយជាដៃគូពាណិជ្ជកម្មធំបំផុតរបស់ចិនហើយចិនបានរក្សាឋានៈជាដៃគូពាណិជ្ជកម្មធំបំផុតរបស់អាស៊ានរយៈពេល ១២ ឆ្នាំជាប់ៗ។ នៅឆមាសទីមួយនៃឆ្នាំនេះ ទំហំពាណិជ្ជកម្មនៃភាគីទាំងពីរបានកើនឡើង ៣៨,២%បើប្រៀបធៀបនឹងរយៈពេលដូចគ្នានៃឆ្នាំទៅ។