ជុំវិញគ្រោះទឹកជំនន់យ៉ាងធ្ងន់ធ្ងរនៅខេត្តហឺណានប្រទេសចិន គណៈកម្មាធិការកាត់បន្ថយគ្រោះមហន្តរាយជាតិចិនបានចាត់បញ្ជូនក្រុមការងារទៅកាន់ខេត្តហឺណានដើម្បីធ្វើការណែនាំការងារជួយសង្គ្រោះគ្រោះមហន្តរាយ ។ កាលពីថ្ងៃទី ៣១ ខែកក្កដា កិច្ចប្រជុំពេញអង្គលើកទីមួយនៃក្រុមការងារនៃគណៈកម្មាធិការកាត់បន្ថយគ្រោះមហន្តរាយជាតិចិនបានបើកធ្វើនៅក្រុងZhengzhouខេត្តហឺណាន និងបានកំណត់ផែនការការងារនៃក្រុមការងារ ។
នារសៀលថ្ងៃទី ៣១ ខែកក្កដា ក្រុមការងារបានធ្វើដំណើរទៅកាន់ភូមិWangzongdianឃុំCuimiao ភូមិshangwanឃុំJiayu ក្រុងYingyang ខេត្តហឺណានដែលជាតំបន់រងគ្រោះទឹកជំនន់យ៉ាងធ្ងន់ធ្ងរ ព្រមទាំងលំនៅដ្ឋានបណ្តោះអាសន្នសម្រាប់ជនរងគ្រោះទឹកជំនន់ ដើម្បីត្រួតពិនិត្យសភាពការណ៍គ្រោះទឹកជំនន់និងការងារចាត់ចែងជនរងគ្រោះទឹកជំនន់ ។
តាមការឧទ្ទេសនាមឱ្យដឹងថា ពេលបច្ចុប្បន្ននេះ ក្រសួងហិរញ្ញវត្ថុចិននិងស្ថាប័នគ្រប់គ្រងជាបន្ទាន់បានផ្តល់ថវិកាសម្រាប់ជួយសង្គ្រោះគ្រោះមហន្តរាយចំនួន ១០៦០ លានយាន់ប្រាក់ចិនដល់ខេត្តហឺណាន ចំណែកឯសម្ភាៈជួយសង្រ្គោះគ្រោះមហន្តរាយចំនួន ៣៥ ម៉ឺនដែលផ្តល់ដោយមជ្ឈិមបក្សបានចែកចាយដល់លំនៅដ្ឋានបណ្តោះអាសន្នសម្រាប់ជនរងគ្រោះទឹកជំនន់និងប្រជាជនរងគ្រោះទឹកជំនន់ ។